ரசம் முதல் பிரியாணி வரை எது சமைப்பதாக இருந்தாலும் தக்காளி மற்றும் வெங்காயம் கட்டாயம் தேவை.
காய்கறி சந்தையில் எந்த காய்கறிகள் வாங்குகிறார்களோ இல்லையோ கட்டாயம் இந்த இரண்டையும் அதிகளவில் வாங்குவார்கள். இந்த நிலையில் கடந்த சில வாரங்களாக குறைந்திருந்த தக்காளி விலை தற்போது உயர தொடங்கியுள்ளது.
அதாவது, ஒரு கிலோ தக்காளி கடந்த வாரம் 10 முதல் 15 ரூபாய்க்கு விற்பனை செய்யப்பட்ட நிலையில், 100 ரூபாய்க்கு 5 முதல் 6 கிலோ வரை தக்காளி விற்பனையானது.
இந்த நிலையில் தொடர் மழை காரணமாக தக்காளி விளைச்சல் பாதிக்கப்பட்டுள்ள காரணத்தால் தக்காளி விலை உயர தொடங்கியுள்ளது.
ஒரு கிலோ தக்காளி 35 முதல் 45 ரூபாய் வரை விற்பனை செய்யப்படுகிறது. சில்லரை வர்த்தகத்தில் ஒரு கிலோ தக்காளி 50 ரூபாயை தாண்டியுள்ளது. அதே சமயத்தில் வெங்காயத்தின் வரத்து அதிகளவில் இருப்பதால் அதனின் விலை குறைந்துள்ளது. 100 ரூபாய்க்கு 6 முதல் 7 கிலோ வரை வெங்காயம் விற்பனை செய்யப்பட்டு வருகிறது.
சென்னை கோயம்பேடு காய்கறி சந்தையில் விலை பட்டியலை தற்போது பார்க்கலாம்!!
பெரிய வெங்காயம் ஒரு கிலோ 20 ரூபாய்,
சின்ன வெங்காயம் ஒரு கிலோ 45 ரூபாய்,
தக்காளி ஒரு கிலோ 40 முதல் 50 ரூபாய்,
பச்சை மிளகாய் ஒரு கிலோ 40 ரூபாய்,
பீட்ரூட் ஒரு கிலோ 40 ரூபாய்,
உருளைக்கிழங்கு ஒரு கிலோ 40 ரூபாய்,
வாழைப்பூ ஒரு கிலோ 15 ரூபாய்,
குடைமிளகாய் ஒரு கிலோ 40 ரூபாய்,
பாகற்காய் ஒரு கிலோ 30 ரூபாய்,
சுரைக்காய் ஒரு கிலோ 35 ரூபாய்,
அவரைக்காய் ஒரு கிலோ 50 ரூபாய்,
முட்டைக்கோஸ் ஒரு கிலோ 15 ரூபாய்,
கேரட் ஒரு கிலோ 60 ரூபாய்,
காலிபிளவர் ஒரு கிலோ 15 ரூபாய்,
கொத்தவரை ஒரு கிலோ 50 ரூபாய்,
முருங்கைக்காய் ஒரு கிலோ 70 ரூபாய்,
கத்திரிக்காய் ஒரு கிலோ 35 ரூபாய்,
பீன்ஸ் ஒரு கிலோ 45 ரூபாய்,
இஞ்சி கிலோ 80 ரூபாய்,
வெண்டைக்காய் ஒரு கிலோ 20 ரூபாய்,
முள்ளங்கி ஒரு கிலோ 20 ரூபாய்,
பீர்க்கங்காய் ஒரு கிலோ 55 ரூபாய்,
புடலங்காய் ஒரு கிலோ 30 ரூபாய்க்கும் சென்னை கோயம்பேடு காய்கறி சந்தை விற்பனை செய்யப்பட்டு வருகிறது.
