வானியல் உலகையே அதிரவைத்த ஒரு சம்பவம்! அன்றைக்கு நடந்தத கேட்டா இப்பவும் புல்லரிக்கும்!

1994-ல வானியல் உலகையே அதிரவைத்த ஒரு சம்பவம் நடந்தது. “ஷூமேக்கர்–லெவி 9” என்ற வால் நட்சத்திரம் நேரடியாக வியாழன் கிரகத்தையே மோதிவிட்டது. இந்த வால் நட்சத்திரத்தைக் 1993-ல் யூஜின் ஷூமேக்கர், கேரோலின் ஷூமேக்கர், டேவிட் லெவி என்ற விஞ்ஞானிகள் கண்டுபிடிச்சாங்க. இவர்களின் பெயரில்தான் அதுக்கு “Shoemaker–Levy”னு பேர் வந்தது.

வியாழனை அடையும் முன்னாடியே அந்த வால் நட்சத்திரம் பல துண்டுகளா உடைஞ்சிடுச்சு. பிறகு 1994 ஜூலை மாதத்துல ஒவ்வொரு துண்டும் சென்று வியாழன் மேல் மோதி பெரிய கருப்பு புள்ளிகளை ஏற்படுத்திடுச்சு. அந்தப் புள்ளிகள் பூமியிலிருந்தே தொலைநோக்கிகளால் கூட தெளிவா காண முடிந்தது-ன்னா பார்த்துக்கோங்க.

இது ஒரு கிரகத்துடன் வால் நட்சத்திரம் மோதியதுக்கான மனித வரலாற்றிலேயே முதல் நேரடி ஆதாரம். இதைப் பார்த்த விஞ்ஞானிகளுக்கு வியாழனின் வாயுக்களின் தன்மை, மேகங்கள் பற்றி நிறைய தகவல்கள் கிடைச்சது. அதே சமயம், இப்படிப்பட்ட வால் நட்சத்திரங்கள் பூமிக்கு வந்தா என்ன ஆபத்து என்று உலகமே சீரியஸா யோசிக்க தொடங்கியது.

அந்தக் காலத்திலிருந்து “ஷூமேக்கர்–லெவி 9” சம்பவம் வானியல் வரலாற்றிலேயே ஒரு turning point ஆக பேசப்படுது. வானத்தில் நடந்த பெரிய விபத்து மாதிரி இதைப் பற்றி இன்றைக்கும் ஆர்வலர்கள் அதிகம் பேசிக்கிட்டே தான் இருக்காங்க. ஏன்னா அது அப்படி ஒரு தாக்கத்தை ஏற்படுத்திடுச்சு.