இந்தியா-பாகிஸ்தான் கிரிக்கெட் மேட்ச்… இந்த ஒரு வார்த்தையைக் கேட்டாலே, கோடிக்கணக்கான ரசிகர்களின் ரத்தம் சூடு பிடிக்கும். ஸ்டேடியம் ஹவுஸ் ஃபுல் ஆகும். டிக்கெட்டுகள், ஆன்லைன்ல வந்த சில நிமிஷத்துலேயே விற்றுத் தீர்ந்துவிடும். இதுதான் இத்தனை நாளா நாம பார்த்து வந்த வரலாறு.
ஆனா, முதல் முறையாக, அந்த வரலாறு தலைகீழாக மாறியுள்ளது.
துபாயில் நடக்கவிருக்கும் ஆசியக் கோப்பை இந்தியா-பாகிஸ்தான் போட்டிக்கு, டிக்கெட் விற்பனை மந்தமாக இருப்பதாக வெளியாகி இருக்கும் செய்திகள், கிரிக்கெட் உலகையே அதிர்ச்சியில் ஆழ்த்தியுள்ளது.
வாங்க, இந்த நம்ப முடியாத சம்பவத்தின் பின்னணி என்னவென்று பார்க்கலாம்.
வருகிற ஞாயிற்றுக்கிழமை, துபாய் சர்வதேச கிரிக்கெட் மைதானத்தில், பரம எதிரிகளான இந்தியாவும் பாகிஸ்தானும் மோதுகின்றன. இந்தப் போட்டிக்கான டிக்கெட் விற்பனை தொடங்கி, இரண்டு வாரங்களுக்கு மேல் ஆகிவிட்டது.
ஆனா, ஆச்சரியமான விஷயம் என்னன்னா, இன்னும் டிக்கெட்டுகள் முழுமையாக விற்கப்படவில்லையாம். டிக்கெட் விற்பனை இவ்வளவு மந்தமாக இருந்ததால், ஆசிய கிரிக்கெட் கவுன்சில் (ACC), ஒரு அதிரடி முடிவை எடுத்துள்ளது.
மைதானத்திற்கு ரசிகர்களை எப்படியாவது வரவழைக்க வேண்டும் என்ற நோக்கத்தில், ACC, இந்தப் பெரிய போட்டிக்கான டிக்கெட் விலையைக் குறைத்துள்ளது.
ஆரம்பத்தில் 475 திர்ஹாம்களுக்கு விற்கப்பட்ட டிக்கெட்டுகள், இப்போது 350 திர்ஹாம்களுக்கு விற்கப்படுகின்றன. பிரீமியம் டிக்கெட்டுகளின் விற்பனையும் மிக மோசமாக இருப்பதாகக் கூறப்படுகிறது.
சரி, திடீர்னு ஏன் இந்த மந்தநிலை?
இந்தியா-பாகிஸ்தான் மேட்சுக்கு எப்போதுமே இருக்கும் அந்த வெறி, இந்த முறை ஏன் குறைந்துள்ளது? இதற்குப் பின்னால், கிரிக்கெட்டைத் தாண்டிய ஒரு முக்கியமான காரணம் இருக்கிறது.
சமீபத்தில், பஹல்காம் பகுதியில் நடந்த பயங்கரவாதத் தாக்குதலுக்குப் பிறகு, இந்தியாவுக்கும் பாகிஸ்தானுக்கும் இடையே ஒரு சிறிய ராணுவ மோதலே நடந்தது.
இந்தச் சூழ்நிலையில், பாகிஸ்தானுடன் கிரிக்கெட் விளையாடக் கூடாது என்று, இந்தியாவிற்குள் ஒரு பெரிய எதிர்ப்பு அலை எழுந்துள்ளது. பிசிசிஐ மற்றும் மத்திய அரசு, இந்தப் போட்டியை நடத்த அனுமதித்ததற்காக, கடுமையான விமர்சனங்களைச் சந்தித்து வருகின்றன.
இந்தியா-பாகிஸ்தான் போட்டியை ரத்து செய்யக் கோரி, உச்ச நீதிமன்றத்தில் ஒரு பொதுநல வழக்குகூட தாக்கல் செய்யப்பட்டது. ஆனால், நீதிமன்றம் அதை ஏற்க மறுத்து, “போட்டி தொடரட்டும்” என்று கூறிவிட்டது.
இந்த அரசியல் பதட்டம்தான், ரசிகர்களின் ஆர்வத்தைக் குறைத்திருக்கலாம் என்று கருதப்படுகிறது.
அதிகாரிகள் என்ன சொல்கிறார்கள்?
ஆனால், எமிரேட்ஸ் கிரிக்கெட் வாரிய அதிகாரிகளோ, “டிக்கெட் விற்பனை மந்தமாக இருக்கிறது என்ற செய்தியில் உண்மையில்லை. நிலைமை மிகவும் ஊக்கமளிப்பதாகவே இருக்கிறது,” என்று கூறுகின்றனர்.
இருப்பினும், டிக்கெட் விலையைக் குறைத்திருப்பது, வேறு ஒரு கதையைச் சொல்வதாகவே தெரிகிறது.
ஒரு பக்கம் அரசியல் பதட்டம், இன்னொரு பக்கம் கிரிக்கெட் ஆர்வம். இந்த இரண்டிற்கும் நடுவில், இந்த முறை கிரிக்கெட் பெரிய பதட்டமாகவே பார்க்க படுகிறது.