“ரெடி மாமே” : தவெக மாநாட்டிற்கு பேனர் வைத்த அஜித் ரசிகர்கள்

தமிழக வெற்றிக்கழகத்தின் முதல் மாநாடு, விழுப்புரம் மாவட்டம் விக்கிரவாண்டி அருகே கடந்த ஆண்டு நடைபெற்றது. இதையடுத்து கட்சியின் 2-வது மாநில மாநாடு மதுரையில் வருகிற 21-ந் தேதி நடைபெற உள்ளது.

மாநாட்டுக்கு வருகை தரும் பொது மக்களை வரவேற்கும் விதமாக தமிழக வெற்றிக் கழகத்தின் நிர்வாகிகள், தொண்டர்கள் மற்றும் விஜய் ரசிகர்கள் பல்வேறு விதமான பேனர்கள் மற்றும் போஸ்டர்கள் அச்சடித்து மாநகர், புறநகர் பகுதிகளில் ஒட்டி வருகிறார்கள்.

இந்நிலையில் த.வெ.க. மாநாடு நடைபெறும் கிராமமான பாரபத்தியில் அஜித் ரசிகர்கள் விஜய் மாநாட்டிற்கு பேனர் வைத்துள்ளனர். அந்த பேனரில் “ரெடி மாமே” என்ற வசனமும் எதிர்கால தமிழ்நாடு என்ற வசனத்துடன் பேனர்கள் வைக்கப்பட்டு உள்ளது.