டைட்டானிக் மூழ்கப் போவதை முன்னரே கணித்த கடிதம்.. அந்த கடிதத்தில் என்ன எழுதியிருந்தது தெரியுமா?

1912 ஆம் ஆண்டில் நடந்த டைட்டானிக் விபத்து உலக வரலாற்றில் ஒருபோதும் மறக்க முடியாத சம்பவம். அந்த கப்பலில் பயணம் செய்தவர்கள் பலர் உயிரிழந்தார்கள், சிலர் மட்டும் உயிர் தப்பினார்கள். அந்த உயிர்தப்பியவர்களில் ஒருவரான கர்னல் ஆர்சிபால்ட் கிரேஸி எழுதிய ஒரு கடிதம், இப்போது ப்ரிட்டனில் நடைபெற்ற ஏலத்தில் புதிய சாதனையை உருவாக்கியுள்ளது. அந்த கடிதம் ஒரு வரலாற்று முக்கியத்துவம் கொண்ட டாக்குமெண்டாக மாறி, சுமார் ரூ.3 கோடிக்கு விற்பனையாகியுள்ளது.

இந்தக் கடிதம் டைட்டானிக் கப்பலில் இருந்தபோது, 1912 ஏப்ரல் 10 ஆம் தேதி எழுதப்பட்டது. இதில் அவர் டைட்டானிக் கப்பலைப் பற்றி “இது ஒரு அழகான கப்பல்… ஆனால் என் பயணத்தின் முடிவை பார்த்த பிறகு தான் முழுமையாக மதிப்பிட முடியும்” என்று எழுதியிருந்தார். அவர் சொன்ன அந்த வரிகள், பின்னாளில் நடந்த துயரமான நிகழ்வுக்குப் பின்னர் மிகவும் ஆழமான பொருள் பெற்று விட்டன.

அந்த பயணத்தின் போது, கப்பல் மூழ்கிய பின்னர் கிரேஸி பலரை காப்பாற்ற முயன்றார். அவர் தானும் ஒரு மடக்கப்பட்ட படகில் இருந்து உயிர் தப்பினார். அப்போது அவரது கண் முன்னால் பலர் குளிர்வினால் உயிரிழந்தார்கள். பின்னாளில், அவர் அந்த அனுபவங்களை “The Truth About the Titanic” என்ற புத்தகமாக எழுதி வெளியிட்டார்.

இப்போது அவர் எழுதிய அந்த ஒரே கடிதம், டைட்டானிக் கப்பலில் இருந்து எழுதப்பட்ட ஒரே கடிதமாக இருப்பது, அதன் அரிய தன்மையையும் முக்கியத்தையும் வெளிப்படுத்துகிறது. இது போன்ற ஆவணங்கள் வரலாற்று ஆர்வலர்களுக்கும், டைட்டானிக் சம்பவத்தில் ஈர்ப்புடையவர்களுக்கும் மிகவும் விலைமதிப்பில்லாத ஒரு நினைவுச்சின்னமாக இருக்கும்.