சென்னையில் அடுத்த ஆண்டு ஜனவரி மாதம் உலக முதலீட்டாளா்கள் மாநாடு நடைபெறவுள்ளது.
இந்த மாநாட்டில் பங்கேற்க முதலீட்டாளா்களுக்கு அழைப்பு விடுக்கவும், தமிழகத்தில் தொழில் முதலீடுகளை ஈர்க்கவும், முதலமைச்சர் மு.க.ஸ்டாலின், கடந்த 23ஆம் தேதி சிங்கப்பூர் சென்றார். சிங்கப்பூரில் முதலமைச்சரின் 2 நாள் சுற்றுப்பயணத்தில், 6 புரிந்துணா்வு ஒப்பந்தங்கள் கையொழுத்தாகின.
அதைத் தொடா்ந்து, முதலமைச்சர் மு.க.ஸ்டாலின் மே 25ஆம் தேதி முதல் ஜப்பானில் சுற்றுப்பயணம் மேற்கொண்டுள்ளார். இந்த பயணத்தின்போது, டோக்கியாவில் 6 நிறுவனங்களுடன் 818 கோடியில் பல்வேறு தொழிற்சாலைகள் தொடங்க, முதலமைச்சர் மு.க.ஸ்டாலின் முன்னிலையில் புரிந்துணா்வு ஒப்பந்தங்கள் மேற்கொள்ளப்பட்டன. இதேபோன்று, 128 கோடியில் மருத்துவ உபகரண உற்பத்தி தொழிற்சாலை தொடங்க, ஓம்ரான் நிறுவனத்துடன் புரிந்துணா்வு ஒப்பந்தம் கையெழுத்தானது.
இந்நிலையில், சிங்கப்பூா் மற்றும் ஜப்பானில் 9 நாள்கள் சுற்றுப்பயணத்தை முடித்துக்கொண்டு முதலமைச்சர் மு.க.ஸ்டாலின் இன்று தமிழகம் திரும்ப உள்ளார். இன்று இரவு 10 மணிக்கு சென்னை விமான நிலையம் வரும் முதலமைச்சர் மு.க.ஸ்டாலினுக்கு, அமைச்சா்கள், எம்.எல்.ஏ-க்கள் மற்றும் திமுக நிர்வாகிகள் உற்சாக வரவேற்பு அளிக்க திட்டமிட்டுள்ளனர்.
