The post அமெரிக்கா – ஈரான் விபரீத முடிவு… உலக நாடுகள் அச்சம்… appeared first on Sathiyam TV.

கடந்த பிப்ரவரி மாதம் அமெரிக்க மற்றும் இஸ்ரேல் கூட்டுத் தாக்குதலில் கொல்லப்பட்ட ஈரானின் முன்னாள் உச்ச தலைவர் அலி கமேனியின் மரணத்திற்குப் பழிவாங்கும் வகையில் இந்த விபரம் வெளியிடப்பட்டுள்ளது.

அலி கமேனியின் மகனும், ஈரானின் புதிய ஆன்மீகத் தலைவருமான மொஜ்தபா கமேனி [Mojtaba Khamenei] அண்மையில் விடுத்த எச்சரிக்கையின் அடிப்படையில் இந்த அதிகாரப்பூர்வ வரைபடம் [Infographic] வெளியிடப்பட்டுள்ளது.

இந்த பட்டியலில் இடம்பெற்றுள்ள குற்றவாளிகள் அனைவரும் தங்களது படுக்கையில் நிம்மதியான மரணத்தைக் காண மாட்டார்கள் என்றும், அவர்கள் அனைவரும் பழிவாங்கப்படுவார்கள் என்றும் மொஜ்தபா கமேனி பகிரங்கமாக எச்சரித்துள்ளார்.

ஈரானின் பிரபல ஹம்ஷஹ்ரி [Hamshahri] நாளிதழில் வெளியிடப்பட்டுள்ள இந்தப் பழிவாங்கும் பட்டியலில், அமெரிக்க அதிபர் டொனால்ட் ட்ரம்புடன் சேர்த்து பிரிட்டன் பிரதமர் கீர் ஸ்டார்மர் [Keir Starmer], பிரான்ஸ் அதிபர் இம்மானுவேல் மேக்ரான் [Emmanuel Macron] மற்றும் இத்தாலி பிரதமர் ஜார்ஜியா மெலோனி [Giorgia Meloni] உள்ளிட்ட பதின்மூன்று உலகத் தலைவர்களின் புகைப்படங்கள் அச்சிடப்பட்டுள்ளன.

மேலும் அமெரிக்காவின் வெளியுறவுத் துறைச் செயலர் மார்கோ ரூபியோ மற்றும் பாதுகாப்புச் செயலர் பீட் ஹெக்செத் ஆகியோரின் பெயர்களும் இதில் இடம்பெற்றுள்ளன.

போரின் போது அமெரிக்காவின் போர் விமானங்கள் தங்களது வான்வெளியைப் பயன்படுத்த அனுமதித்ததன் மூலம், ஐரோப்பிய நாடுகள் இந்தத் தாக்குதலுக்குத் துணை நின்றுவிட்டதாக ஈரான் கடுமையாகக் குற்றம் சாட்டியுள்ளது.

அதே நேரத்தில், தந்தை கொல்லப்பட்ட வான்வழித் தாக்குதலில் படுகாயமடைந்ததாகக் கூறப்படும் புதிய தலைவர் மொஜ்தபா கமேனி, இன்னும் பொதுவெளியில் தோன்றாதது பல்வேறு சந்தேகங்களை எழுப்பியுள்ளது. ஈரானின் இந்த பகிரங்க மரண அச்சுறுத்தல் சர்வதேச எல்லையில் ஒரு மிகப்பெரிய ராணுவப் பதற்றத்தை உருவாக்கியுள்ளது.

The post ஈரான் வெளியிட்ட ‘மரணப் பட்டியல்’! டிரம்ப் முதலிடம் – 13 உலகத் தலைவர்களுக்கு End Game! appeared first on Sathiyam TV.

இஸ்ரேல் நாட்டின் நாடாளுமன்றம் நெசெட் (Knesset) என்று அழைக்கப்படுகிறது. இங்குள்ள ஒட்டுமொத்த நூற்று இருபது தொகுதிகளுக்கும் வரும் அக்டோபர் இருபத்தி ஏழாம் தேதி ஒரே கட்டமாகப் பொதுத்தேர்தல் நடைபெறும் என்று அதிகாரப்பூர்வமாக அறிவிக்கப்பட்டுள்ளது. கடந்த நாற்பது ஆண்டுகளில் இஸ்ரேல் அரசியல் வரலாற்றில் தனது நாடாளுமன்றப் பதவிக்காலத்தை முழுமையாக நிறைவு செய்த ஒரே பிரதமர் என்ற பெருமை நெதன்யாகுவிற்கு உண்டு.

இருப்பினும், கடந்த இரண்டாயிரத்து இருபத்தி மூன்றாம் ஆண்டு ஹமாஸ் (Hamas) அமைப்புடனான மோதலுக்குப் பிறகு இஸ்ரேல் பாலஸ்தீனம் மற்றும் ஈரான் மீது நடத்திய கொடூரத் தாக்குதல்களுக்கு மத்தியில் நடக்கும் முதல் தேர்தல் என்பதால், ஒட்டுமொத்த உலக நாடுகளும் இந்தத் தேர்தல் முக்கியத்துவத்தை மிகவும் உன்னிப்பாகக் கவனித்து வருகின்றன.

நெதன்யாகு இந்தத் தேர்தலில் மீண்டும் போட்டியிடத் தயாராகிவிட்டாலும், அவருக்கு உள்நாட்டிலேயே மிகப்பெரிய எதிர்ப்புகளும் அதிருப்தியும் அலைமோதி வருகின்றன. போரில் ஏற்பட்ட பல்லாயிரக்கணக்கான உயிர்ப்பலிகள், ஹமாஸ் பிடியில் இருக்கும் இஸ்ரேலியப் பிணைக்கைதிகளை உயிருடன் மீட்பதில் ஏற்பட்ட தாமதம் போன்ற காரணங்களால் மக்கள் நெதன்யாகு மீது கடும் கோபத்தில் உள்ளனர். இவருக்குப் போட்டியாக இஸ்ரேல் பாதுகாப்புப் படையின் முன்னாள் தலைமைத் தளபதி காடி ஐசென்கோட் (Gadi Eisenkot) போன்ற மிக வலிமையான தலைவர்கள் தற்போது மக்கள் பேராதரவோடு களம் இறங்கியுள்ளனர்.

இந்தத் தேர்தலில் நெதன்யாகுவிற்கு வெற்றி என்பது வெறும் அதிகாரம் சார்ந்தது மட்டுமல்ல, அது அவரது சுதந்திரம் சார்ந்ததும்கூட. ஏனெனில், அவர் மீது ஏற்கனவே உள்நாட்டில் பல ஊழல் மற்றும் அதிகார முறைகேடு வழக்குகள் நீதிமன்றத்தில் நிலுவையில் உள்ளன. அதுமட்டுமன்றி, சர்வதேச அளவில் அவர் மீது போர்க்குற்றவாளி என்ற மிகக் கடுமையான குற்றச்சாட்டுகளும் சுமத்தப்பட்டுள்ளன. ஒருவேளை அக்டோபர் தேர்தலில் அவர் தோல்வியைத் தழுவினால், அவரது பிரதமருக்கான சட்டப்பூர்வப் பாதுகாப்பு நீங்கிவிடும். அதன் பிறகு அமையப் போகும் புதிய அரசு, அவர் மீதான வழக்குகளைத் துரிதப்படுத்தி அவருக்குக் கடுமையான சிறைத்தண்டனை வாங்கித் தரக் காத்துக் கொண்டிருக்கிறது. உலகையே போர்க்களமாக மாற்றிய ஒரு பிரதமரின் அரசியல் எதிர்காலம் இந்த ஒரே ஒரு தேர்தலில் முடிவுக்கு வருமா என்ற எதிர்பார்ப்பு சர்வதேச அரங்கில் தீப்பற்றி எரிகிறது.

The post நெதன்யாகுவுக்குக் காத்திருக்கும் சிறை? இஸ்ரேல் வரலாற்றில் முதல்முறை! appeared first on Sathiyam TV.

அமெரிக்க மத்திய கட்டளை அமைப்பான சென்ட்காம் (CENTCOM), அதிபர் டொனால்ட் ட்ரம்பின் நேரடி உத்தரவின் பேரில் இந்தத் தாக்குதலை நடத்தியுள்ளது. ஈரானின் மிக முக்கிய துறைமுக நகரமான பந்தர் அப்பாஸ் (Bandar Abbas), கெஷ்ம் தீவு (Qeshm Island) மற்றும் சிரிக் (Sirik) ஆகிய கடலோரப் பகுதிகளில் உள்ள ஈரானிய ராணுவ தளங்கள் மீது அமெரிக்கப் போர் விமானங்கள் அடுக்கடுக்கான குண்டுகளை வீசித் தகர்த்துள்ளன.

இந்த தாக்குதலில் ஈரானின் கடலோரப் பகுதிகள் முழுவதும் ராட்சத தீப்பிழம்புகளுடனும், அடர்ந்த கரும்புகையுடனும் வானுயர எரியும் அதிர்ச்சியூட்டும் வீடியோ காட்சிகள் தற்போது சமூக வலைதளங்களில் வெளியாகிப் பெரும் பரபரப்பை ஏற்படுத்தியுள்ளன.

கடந்த வாரம் ஹார்முஸ் ஜலசந்தி வழியாகச் சென்ற சைப்ரஸ், கத்தார் மற்றும் சவுதி அரேபியாவின் வணிகக் கப்பல்கள் மீது ஈரானின் புரட்சிகர காவல் படை (IRGC) நடத்திய தாக்குதலுக்குப் பழிவாங்கவே, அமெரிக்கா இந்தத் தொடர் வான்வழித் தாக்குதல்களை நடத்தி வருகிறது. “சிவில் மாலுமிகள் மற்றும் வணிகக் கப்பல்கள் மீது ஈரான் தாக்குதல் நடத்துவதைத் தடுப்பதற்காகவே, அதிபர் ட்ரம்பின் நேரடி உத்தரவின் கீழ் ஈரானிய படைகளைத் தண்டிக்கும் வகையில் இந்த அதிரடித் தாக்குதல் நடத்தப்பட்டுள்ளது” என்று சென்ட்காம் அறிவித்துள்ளது.

மறுபுறம், ஹார்முஸ் ஜலசந்தி “மறு உத்தரவு வரும் வரை” மூடப்படுவதாக ஈரான் அறிவித்துள்ள போதிலும், மாற்றுப் பாதையான தெற்கு கடல்வழிப் பாதை வழியாகப் போக்குவரத்து தடையின்றித் தொடர்ந்து நடைபெற்று வருவதாக அமெரிக்கா தெரிவித்துள்ளது.

கடந்த ஜூன் 17 அன்று இரு நாடுகளுக்கும் இடையே ஏற்பட்ட அமைதி ஒப்பந்தம் முற்றிலும் தகர்ந்துள்ளதால், வளைகுடாப் பகுதியில் உள்ள குவைத், பஹ்ரைன் போன்ற அண்டை நாடுகளின் மீதும் ஏவுகணைத் தாக்குதல்கள் பரவி வருகின்றன. இந்த போர் எங்கு போய் முடியும் என்பதைப் பொறுத்திருந்துதான் பார்க்க வேண்டும்.

The post வானத்தை பிளந்த ‘தீப்பிழம்புகள்’! ஈரான் மீது அமெரிக்கா நள்ளிரவில் குண்டுமழை! appeared first on Sathiyam TV.

கடந்த 24 மணி நேரத்தில் ஈரானின் முக்கியத் துறைமுக நகரங்கள் மற்றும் ராணுவக் கட்டமைப்புகள் மீது குண்டு மழை பொழியப்பட்டு வருவது ஒட்டுமொத்த உலகையுமே அதிர வைத்துள்ளது. இந்தத் தாக்குதலில் ஈரானின் தெற்குப் பகுதியில் உள்ள சபஹார்(Chabahar) மற்றும் கொனாரக் (Konarak) ஆகிய நகரங்கள் மிகக் கடுமையாகப் பாதிக்கப்பட்டுள்ளன.

சபஹார் நகரமே இருளில் மூழ்கியுள்ளதாகவும், அங்கு சுமார் 10-க்கும் மேற்பட்ட சக்திவாய்ந்த குண்டுகள் வெடித்த சத்தம் கேட்டதாகவும் ஈரானியச் செய்தி நிறுவனங்கள் தெரிவித்துள்ளன. இதைவிட அதிர்ச்சிகரமான விஷயம் என்னவென்றால், ஈரானின் அணுசக்தி மையம் அமைந்துள்ள புஷெர் (Bushehr) நகரத்திலும் பயங்கர வெடிச்சத்தங்கள் கேட்டதாகத் தகவல்கள் வெளியாகியுள்ளன. அபு மூசா தீவு மற்றும் சிரிக் நகரத்தின் பல பகுதிகளும் அமெரிக்கத் தாக்குதலுக்கு இலக்காகியுள்ளன.

அமெரிக்காவின் இந்த ஆக்ரோஷமான நடவடிக்கைக்குப் பின்னால் இருக்கும் மிக முக்கியமான காரணம், ஹார்முஸ் ஜலசந்தியில் ஈரான் நடத்திய அத்துமீறல்கள்தான். கடந்த சில நாட்களில் மூன்று வணிகக் கப்பல்கள் மீது ஈரான் தாக்குதல் நடத்தியதைக் கடுமையாகக் கண்டித்துள்ள அமெரிக்கா, “இனி மிரட்டல்களுக்கு இடமில்லை, நேரடி நடவடிக்கையே தீர்வு” என்ற நிலைக்கு வந்துள்ளது.

இது குறித்துத் தனது ‘ட்ரூத் சோஷியல்’ தளத்தில் பதிவிட்டுள்ள டொனால்ட் டிரம்ப், “நேற்று நீங்கள் கப்பல்களைத் தாக்கியதற்கான தண்டனைதான் இது! மீண்டும் ஒருமுறை இப்படி நடந்தால், நிலைமை இன்னும் மிக மோசமாக இருக்கும் (Will get much worse!)” என்று மிகக் கடுமையான எச்சரிக்கையை விடுத்துள்ளார்.

ஒருபுறம் போர்நிறுத்த ஒப்பந்தம் குறித்த பேச்சுவார்த்தைகள் நடந்து வந்தாலும், ஈரானின் இந்தத் தொடர் ஆக்கிரமிப்பு நடவடிக்கைகள் அந்த ஒப்பந்தத்தையே கேள்விக்குறியாக்கியுள்ளன. “ஒப்பந்தம் மதிக்கப்படாதபோது அமெரிக்கா வேடிக்கை பார்த்துக் கொண்டிருக்காது” என்று சென்ட்காம் படைகள் திட்டவட்டமாகத் தெரிவித்துள்ளன.

ஹார்முஸ் ஜலசந்தி வழியாக நடக்கும் சர்வதேச வர்த்தகத்திற்கு ஈரான் ஒரு அச்சுறுத்தலாக இருப்பதை முறியடிப்பதே அமெரிக்காவின் இப்போதைய ஒரே இலக்காக உள்ளது. மத்திய கிழக்கு நாடுகள் மீண்டும் ஒரு மிகப்பெரிய போரின் விளிம்பில் நின்று கொண்டிருக்கும் இந்தச் சூழல், உலகப் பொருளாதாரத்தில் பெரும் பாதிப்புகளை ஏற்படுத்தும் என அஞ்சப்படுகிறது.

The post ஈரானை நரகமாக்கும் டிரம்ப்!! சரமாரியாக பாய்ந்த ஏவுகணைகள்!! appeared first on Sathiyam TV.

ஈரானின் அணுமின் நிலையம் அமைந்துள்ள புஷெர் பகுதி மற்றும் முக்கியமான துறைமுக நகரங்களான சபாகர், பந்தர் அபாஸ் மற்றும் இரான்ஷாஹரில் உள்ள ராணுவ விமான தளம் ஆகியவற்றை குறிவைத்து அமெரிக்கா இந்தத் தாக்குதலை நடத்தியுள்ளது. தாங்கள் நடத்திய தாக்குதல் மிக வலிமையானது என்றும், அமெரிக்காவுக்கு எதிராக ஈரான் செய்யும் ஒவ்வொரு நடவடிக்கைக்கும் இருபது மடங்கு அதிகப்படியான பதிலடியை ஈரான் சந்திக்கும் என்றும் டிரம்ப் எச்சரித்துள்ளார்.

மறுபுறம், ஏர்ஃபோர்ஸ் ஒன் விமானத்தில் செய்தியாளர்களிடம் பேசிய டொனால்ட் டிரம்ப், ஈரான் தங்களைத் தொடர்பு கொண்டு அமைதி ஒப்பந்தத்திற்காகக் கெஞ்சிக் கொண்டிருக்கிறது என்று ஒரு புதிய தகவலை வெளியிட்டுள்ளார். ஆனால், ஈரானை நம்ப முடியாது என்றும், அவர்கள் இந்த ஒப்பந்தத்தை மதிப்பார்கள் என்பதில் தமக்கு நம்பிக்கை இல்லை என்றும் அவர் தெரிவித்துள்ளார்.

இந்த மோதல் காரணமாக ஈரான் நடத்திய பதில் தாக்குதல்கள் பஹ்ரைன், குவைத் மற்றும் கத்தார் ஆகிய நாடுகளை நோக்கிப் பாய்ந்துள்ளன. குவைத் ராணுவம் தங்களை நோக்கி வந்த ஏவுகணைகள் மற்றும் ட்ரோன்களை நடுவானிலேயே தடுத்து அழித்துள்ளதாக அதிகாரப்பூர்வமாக அறிவித்துள்ளது.

அமெரிக்காவின் இந்தத் தாக்குதலுக்கும் டிரம்பின் மிரட்டல்களுக்கும் ஈரான் தரப்பிலிருந்து மிகக் கடுமையான பதிலடி கொடுக்கப்பட்டுள்ளது. டிரம்பின் இந்த மிரட்டல் பேச்சுக்கள் அவரது பலவீனத்தின் அடையாளம் என்றும், ஈரானியர்களை அச்சுறுத்தி பணிய வைக்க முடியாது என்றும் ஈரானிய வெளியுறவுத்துறை அமைச்சகம் சாடியுள்ளது.

மேலும், உலக நாடுகளின் மிக முக்கியமான வர்த்தகப் பாதையான ஹார்முஸ் ஜலசந்தியை தங்களது முழு கட்டுப்பாட்டுக்குள் கொண்டு வரப்போவதாக ஈரான் நாடாளுமன்ற சபாநாயகர் எச்சரித்துள்ளார். இரு நாடுகளுக்கும் இடையேயான இந்த போர்க்கள மோதலால் உலக அளவில் கச்சா எண்ணெய் விலை ஒரே நாளில் எட்டு சதவீதம் வரை உயர்ந்து உலகப் பொருளாதாரத்தில் பெரும் அதிர்ச்சியை ஏற்படுத்தியுள்ளது.

The post ‘ஈரான் கெஞ்சுகிறது’… கொடூரமாக பாய்ந்த ஏவுகணைகள்! டிரம்ப் வெளியிட்ட வீடியோ ! appeared first on Sathiyam TV.

The post 🔴 LIVE: உச்சகட்ட பதற்றம் – நடுங்க வைக்கும் தாக்குதல் வீடியோ… appeared first on Sathiyam TV.

The post வம்சம் செய்யும் ஈரான்… பெரும் பதற்றம்… appeared first on Sathiyam TV.

இதன் மூலம் இந்தியாவின் பெருமையான ‘பிரம்மோஸ்’ சூப்பர்சோனிக் ஏவுகணைகள் மற்றும் வானிலிருந்து வானில் பாயும் ‘ஆஸ்ட்ரா’ ஏவுகணைகளை இந்தோனேசியாவிற்கு இந்தியா வழங்க உள்ளது. இது வெறும் வர்த்தகம் மட்டுமல்ல, ஆசியப் பிராந்தியத்தில் இந்தியாவின் ராஜதந்திரத்திற்கு கிடைத்த மிகப்பெரிய வெற்றியாகும்.

ஏற்கனவே பிலிப்பைன்ஸ் நாடு கடந்த 2022-ஆம் ஆண்டிலேயே 375 மில்லியன் டாலர் செலவில் பிரம்மோஸ் ஏவுகணைகளை வாங்கி, இந்திய ஏவுகணைகளின் முதல் சர்வதேச வாடிக்கையாளராக மாறியது. அதனைத் தொடர்ந்து, இந்த ஆண்டின் தொடக்கத்தில் வியட்நாம் நாடு சுமார் 629 மில்லியன் டாலர் மதிப்பிலான ஒப்பந்தத்தில் கையெழுத்திட்டு, இந்தியாவின் மிக நெருக்கமான பாதுகாப்பு கூட்டாளியாக உருவெடுத்தது.

தற்போது இந்தோனேசியாவும் இந்தப் பட்டியலில் இணைந்துள்ள நிலையில், மலேசியா மற்றும் தாய்லாந்து போன்ற நாடுகளும் இந்திய ஏவுகணைகளை வாங்கத் தீவிர ஆர்வம் காட்டி வருகின்றன. தென்கிழக்கு ஆசியாவின் பெரும்பான்மையான நாடுகள் இந்தியாவின் பாதுகாப்பு வளையத்திற்குள் வருவது சீனாவிற்கு ஒரு மிகப்பெரிய சவாலாகவே பார்க்கப்படுகிறது.

இந்தியாவின் இந்த அசுர வளர்ச்சி வெறும் ஏவுகணைகளோடு நின்றுவிடவில்லை. மத்திய பாதுகாப்பு அமைச்சகத்தின் புள்ளிவிவரப்படி, கடந்த 2025-26 நிதியாண்டில் இந்தியாவின் பாதுகாப்பு ஏற்றுமதி சுமார் 38,424 கோடி ரூபாயைத் தொட்டு புதிய வரலாற்றுச் சாதனையைப் படைத்துள்ளது.

இது முந்தைய ஆண்டை விட 62 சதவீதத்திற்கும் அதிகமான வளர்ச்சியாகும். இன்று உலகம் முழுவதும் 80-க்கும் மேற்பட்ட நாடுகளுக்கு இந்தியா தனது ராணுவத் தளவாடங்களை ஏற்றுமதி செய்து வருகிறது. இதில் பொதுத்துறை நிறுவனங்கள் மட்டுமின்றி, இந்தியாவின் தனியார் நிறுவனங்களும் 45 சதவீத பங்களிப்பை அளித்து ‘மேக் இன் இந்தியா’ திட்டத்திற்கு வலிமை சேர்த்துள்ளன.

தென் சீனக் கடல் பகுதியில் நிலவி வரும் எல்லைப் பிரச்சனைகள் மற்றும் சீனாவின் ஆதிக்கத்தைக் கட்டுப்படுத்த, அந்தப் பிராந்திய நாடுகளுக்கு இந்தியாவின் ஏவுகணைகள் ஒரு மிகப்பெரிய பாதுகாப்பு அரணாகத் திகழ்கின்றன. தங்களின் இறையாண்மையைப் பாதுகாக்கத் துடிக்கும் நட்பு நாடுகளுக்கு, இந்தியா ஒரு நம்பகமான மற்றும் வலிமையான கூட்டாளியாகத் தன்னை நிலைநிறுத்திக் கொண்டுள்ளது.

சர்வதேச அளவில் ஒரு மிகப்பெரிய பாதுகாப்பு உற்பத்தி மையமாக இந்தியா உருவெடுத்து வருவதை இந்தத் தொடர் ஒப்பந்தங்கள் உறுதிப்படுத்துகின்றன. வரும் காலங்களில் விண்வெளி மற்றும் ராணுவத் தொழில்நுட்பத்தில் இந்தியா படைக்கப்போகும் இன்னும் பல சாதனைகளுக்கு இது ஒரு ஆரம்பம் மட்டுமே.

The post 38,000 கோடியில் சம்பவம் செய்த ‘இந்தியா’! ஏவுகணைகளுக்கு வந்த மெகா டிமாண்ட் ! appeared first on Sathiyam TV.

“இதற்காகத்தான் நான் வாக்களித்தேன்” என்ற வாசகத்துடன், ஈரானில் குண்டுகள் வெடிக்கும் வீடியோவையும் அவர் பகிர்ந்துள்ளது, மத்திய கிழக்குப் பிராந்தியத்தில் போர் மீண்டும் தீவிரமடைவதைப் பகிரங்கமாக உறுதிப்படுத்துவதாக அமைந்துள்ளது.

அமெரிக்காவின் இந்தத் திடீர் ஆக்ரோஷத்திற்கு மிக முக்கியமான காரணம், ஹார்முஸ் ஜலசந்தியில் ஈரான் நடத்திய அத்துமீறல்கள்தான். இந்தப் பாதையைக் கடந்த மூன்று வணிகக் கப்பல்கள் மீது ஈரான் தாக்குதல் நடத்தியதைத் தொடர்ந்து, அமெரிக்காவின் சென்ட்காம் (CENTCOM) படைகள் அதிரடியாகக் களத்தில் இறங்கின.

ஈரானின் வான் பாதுகாப்பு அமைப்புகள், கடலோர ரேடார் தளங்கள் மற்றும் ஈரானிய புரட்சிகரக் காவல் படைக்குச் சொந்தமான 60-க்கும் மேற்பட்ட சிறு போர்க்கப்பல்கள் என மொத்தம் 80-க்கும் மேற்பட்ட இலக்குகளை அமெரிக்கா துல்லியமாகத் தாக்கி அழித்துள்ளது. இந்தப் போர் நிறுத்த ஒப்பந்தத்தை ஈரான் அப்பட்டமாக மீறிவிட்டதாக அமெரிக்கா குற்றம் சாட்டியுள்ளது.

மறுபுறம், ஈரானின் நாடாளுமன்றச் சபாநாயகர் முகமது பாகர் காலிபாப் அமெரிக்காவிற்கு மிகக் கடுமையான எச்சரிக்கையை விடுத்துள்ளார். “மிரட்டிப் பணிய வைக்கும் காலம் முடிந்துவிட்டது; ஈரான் ஒருபோதும் யாருக்கும் தலைவணங்காது” என்று அவர் ஆவேசமாகப் பதிவிட்டுள்ளார்.

அமெரிக்கா மீண்டும் எண்ணெய் வர்த்தகத் தடைகளை விதித்திருப்பதும், தெற்கு ஈரான் மீது தாக்குதல் நடத்துவதும் செய்து கொண்ட ஒப்பந்தத்திற்கு எதிரானது என்று அவர் சுட்டிக்காட்டியுள்ளார். இந்த மோதல் ஒருபுறம் இருக்க, அமெரிக்காவின் 5-வது கடற்படைத் தளம் அமைந்துள்ள பஹ்ரைன் நாட்டில், முன்னெச்சரிக்கையாக ஏவுகணை அபாயச் சங்குகள் ஒலிக்கச் செய்யப்பட்டுள்ளது பதற்றத்தை மேலும் அதிகரித்துள்ளது.

ஈரானின் மறைந்த உச்ச தலைவர் ஆயத்துல்லா அலி காமேனியின் இறுதிச்சடங்கு நிகழ்வுகள் ஒரு பக்கம் நடந்து கொண்டிருக்கும் வேளையில், இந்தத் தாக்குதல்கள் நடந்துள்ளது குறிப்பிடத்தக்கது. காமேனியின் உடல் அடக்கம் செய்யப்பட்ட பிறகு இரு நாடுகளுக்கும் இடையே நிரந்தர அமைதிப் பேச்சுவார்த்தைகள் தொடங்கும் என்று எதிர்பார்க்கப்பட்ட நிலையில், தற்போதைய சூழல் அந்த நம்பிக்கையைச் சிதைத்துள்ளது.

உலக நாடுகளின் எரிசக்தி விநியோகத்தையே முடக்கும் வல்லமை கொண்ட இந்த மோதல், அடுத்தகட்டமாக எங்கே சென்று முடியும் என்பதுதான் இப்போது உலக நாடுகளின் மிகப்பெரிய கவலையாக உள்ளது. ஒருபுறம் டிரம்பின் “Boom” முழக்கம், மறுபுறம் ஈரானின் பதிலடி மிரட்டல் என மத்திய கிழக்கு ஒரு வெடிமருந்து கிடங்காகவே மாறியுள்ளது.

The post ஈரானின் 80 இடங்களைத் தரைமட்டமாக்கிய அமெரிக்கா! டிரம்ப் வெளியிட்ட ‘Boom’ வீடியோ! appeared first on Sathiyam TV.