ரெடிட் (Reddit) சமூக வலைதளத்தில் வெளியாகியுள்ள தகவலின்படி,பெங்களூருவின் கோரமங்களா பகுதியில் உள்ள ‘சப்கோ’ (Subko) என்ற உணவகத்திற்குச் சென்ற ஒரு நபர், உணவுண்டு முடித்துவிட்டுத் தனக்கு வழங்கப்பட்ட ரசீதைப் பார்த்து உறையப் போயுள்ளார்.

அதில் அவருடைய பெயருக்குப் பதிலாக, அந்த உணவக ஊழியர்கள் அவரை அடையாளப்படுத்த “Little fat black shirt” என்று அச்சிட்டிருந்ததுதான் இந்தச் சர்ச்சைக்கும் மனவேதனைக்கும் மிக முக்கியக் காரணமாக அமைந்தது.

பொதுவாக ஒரு உணவகத்தில் வாடிக்கையாளர்களை அவர்களின் பெயர், அமர்ந்திருக்கும் மேசை எண் அல்லது அவர்கள் ஆர்டர் செய்த உணவு விவரங்களை வைத்துத்தான் அடையாளப்படுத்துவார்கள்.

ஆனால், ஒரு மனிதனின் உடல் அமைப்பை வைத்தும், அவரது நிறம் மற்றும் உடையை வைத்தும் இழிவுபடுத்தும் விதமாக ரசீதில் அச்சிட்டது அநாகரீகத்தின் உச்சம் என்று பாதிக்கப்பட்ட அந்த நபர் தனது ரெடிட் பதிவில் குமுறியுள்ளார்.

இது ஒரு நகைச்சுவைக்காகச் செய்யப்பட்டது என்று எளிதாகக் கடந்து போய்விட முடியாது என்றும், ஒரு ஆணின் உருவத்தைக் கேலி செய்வது மட்டும் எப்படிச் சரியாக இருக்கும் என்றும் அவர் ஆவேசமாகக் கேள்வி எழுப்பியுள்ளார்.

இந்தப் பதிவு சமூக வலைதளங்களில் காட்டுத்தீ போலப் பரவிய நிலையில், அந்த உணவகத்திற்கு எதிராகக் கண்டனக் குரல்கள் வலுத்தன.

நிலைமையின் தீவிரத்தை உணர்ந்த சப்கோ காபி ரோஸ்டர்ஸ் நிறுவனம், தனது அதிகாரப்பூர்வ இன்ஸ்டாகிராம் பக்கத்தில் இந்தப் புகாருக்குப் பகிரங்கமாக மன்னிப்பு கோரியுள்ளது.

“சில விஷயங்களை ரகசியமாகச் சரி செய்யலாம், ஆனால் சிலவற்றை உலகறியச் சத்தமாகச் சொல்லிச் சரி செய்ய வேண்டும்.

ஏனென்றால், இத்தகைய தவறுகளைக் கண்டு நாம் மௌனமாக இருப்பதுதான், அந்தத் தவறான கலாச்சாரம் தொடர்ந்து நீடிக்கக் காரணமாகிவிடும்” என்று அந்த நிறுவனம் நேர்மையாக ஒப்புக்கொண்டுள்ளது.

உருவக் கேலி (Body Shaming) என்பது எக்காரணத்தைக் கொண்டும், எந்தச் சூழலிலும் ஏற்றுக்கொள்ள முடியாத ஒன்று என்றும், இதில் யாருக்கும் எவ்வித விதிவிலக்கும் கிடையாது என்றும் அந்த நிறுவனம் தனது நிலைப்பாட்டைத் தெளிவுபடுத்தியுள்ளது.

பாதிக்கப்பட்ட வாடிக்கையாளர் தங்களின் உட்புறப் புகார் தீர்க்கும் பிரிவைத் தொடர்பு கொள்ளலாம் என்றும், தவறு செய்த ஊழியர்கள் மீது உரிய நடவடிக்கை எடுக்கப்படும் என்றும் அந்த நிறுவனம் உறுதியளித்துள்ளது.

இருப்பினும், சேவைத் துறையில் இருக்கும் பணியாளர்கள் வாடிக்கையாளர்களை எவ்வளவு மரியாதையுடன் நடத்த வேண்டும் என்பதற்கு இந்தச் சம்பவம் ஒரு கசப்பான பாடமாக அமைந்துள்ளது.

ஒரு சிறிய வாசகம் ஒரு மனிதனின் மனதை எவ்வளவு காயப்படுத்தும் என்பதையும், டிஜிட்டல் உலகில் ஒரு சிறு தவறு ஒரு நிறுவனத்தின் பெயரையே எப்படிச் சிதைக்கும் என்பதையும் இந்த பெங்களூரு உணவகச் சம்பவம் உலகிற்கு உணர்த்தியுள்ளது.

The post சாப்பாடு பில்லை கண்டு மிரண்டு போன ‘வாடிக்கையார்’! மன்னிப்பு கேட்ட நிறுவனம்! appeared first on Sathiyam TV.

சனிக்கிழமை நிலவரப்படி, ஒரு பிட்காயினின் விலை, 78,588 டாலர்களாக வர்த்தகமாகி வருகிறது. கடந்த 24 மணி நேரத்தில் மட்டும், இதன் மதிப்பு, 4.8 சதவீதம் உயர்ந்துள்ளது.

ஒட்டுமொத்தமாக, இந்த ஒரு வாரத்தில் மட்டும், பிட்காயினின் வளர்ச்சி, 24.5 சதவீதத்தைத் தாண்டியுள்ளது. இது, கடந்த 2023-ஆம் ஆண்டு, மார்ச் மாதத்திற்குப் பிறகு, பிட்காயின் பதிவு செய்யும், மிகப்பெரிய வாராந்திர வளர்ச்சியாகும்.

இந்த அதிரடி விலை உயர்வுக்குப் பின்னால் இருப்பது என்ன? செய்தி நிறுவனமான IANS-ன் தகவல்படி, அமெரிக்க நிதித்துறையின் ஒரு முக்கிய அறிவிப்புதான், இந்த மாபெரும் எழுச்சிக்கு வித்திட்டுள்ளது.

நீண்ட காலக் கடன் பத்திரங்களை, அமெரிக்கா, இருமடங்காகத் திரும்ப வாங்கும் என்ற அறிவிப்பு, சந்தையில், ஒரு புதிய நம்பிக்கையை ஏற்படுத்தியுள்ளது.

இந்த அறிவிப்பால், பிட்காயினின் விலை குறையும் என்று கணித்து, ‘ஷார்ட் செல்லிங்’ (Short Selling) செய்திருந்த முதலீட்டாளர்கள், பில்லியன் கணக்கான டாலர்களை இழந்து, சந்தையிலிருந்து வெளியேறினர். இது, பிட்காயினின் விலையை, மேலும் உயர வைத்துள்ளது.

இந்த நம்பிக்கையான சூழல், பிட்காயினுடன் மட்டும் நிற்கவில்லை. தங்கத்தின் விலையும், கடந்த மே மாதத்திற்குப் பிறகு, தனது அதிகபட்ச விலையை எட்டியுள்ளது.

மேலும், அதிபர் டொனால்ட் டிரம்ப், ‘காயின்பேஸ்’ (Coinbase) போன்ற முன்னணி கிரிப்டோ நிறுவனங்களின் அதிகாரிகளைச் சந்தித்தது, கிரிப்டோ சந்தைக்கு, அரசின் ஆதரவு இருக்கிறது என்ற ஒரு நேர்மறையான சமிக்ஞையை அனுப்பியுள்ளது.

இந்த வாரம், நிறுவன முதலீட்டாளர்களும், மீண்டும் கிரிப்டோ சந்தையில், அதிக அளவில் முதலீடு செய்யத் தொடங்கியுள்ளனர். அமெரிக்காவில் பட்டியலிடப்பட்டுள்ள 13 பிட்காயின் ETF-களில் மட்டும், இந்த ஒரு வாரத்தில், ஒரு பில்லியன் டாலருக்கும் அதிகமான முதலீடுகள் குவிந்துள்ளன.

இது, கிரிப்டோ சந்தையின் மீது, முதலீட்டாளர்களுக்கு உள்ள அசைக்க முடியாத நம்பிக்கையைக் காட்டுகிறது. 2025-ஆம் ஆண்டு, அக்டோபர் மாதம், தனது உச்சபட்ச விலையான, 1,26,000 டாலர்களைத் தொட்ட பிட்காயின், பின்னர், ஒரு பெரும் சரிவைச் சந்தித்தது.

ஆனால், இப்போது, மீண்டும் ஒரு புதிய எழுச்சியுடன், தனது பயணத்தைத் தொடங்கியுள்ளது. இந்த வளர்ச்சி தொடருமா, அல்லது, இது ஒரு தற்காலிக எழுச்சியா என்பதை, வரும் காலம்தான் தீர்மானிக்கும்.

The post பிட்காயின் செய்த ‘சம்பவம்’! 3 ஆண்டுகளில் இல்லாத உயர்வு! appeared first on Sathiyam TV.

வரிசையில் நிற்பதற்காக, ‘டோக்கன்’ வாங்கும் முறையும், முற்றிலுமாக ஒழிக்கப்பட்டுள்ளது. இந்த அதிரடி மாற்றங்கள், ‘ஸ்டார் 3.0’ (STAR 3.0) என்ற புதிய மென்பொருள் மூலம், சாத்தியமாகியுள்ளது.

இந்த புதிய ஆன்லைன் பத்திரப் பதிவு முறை, ஐந்து எளிய கட்டங்களாகப் பிரிக்கப்பட்டுள்ளது. இதன் மூலம், பொதுமக்கள், தங்கள் வீட்டில் இருந்தபடியே, அல்லது, மனைகளை விற்கும் நிறுவனங்களின் அலுவலகங்களில் இருந்தபடியே, பத்திரப் பதிவு செயல்முறையை, மிக எளிதாக முடிக்க முடியும். இந்த வசதி, கடந்த ஆகஸ்ட் 17-ஆம் தேதி முதல், அமலுக்கு வந்துள்ளது.

இந்த ஐந்து கட்டங்கள் என்னென்ன?என்றால், முதல் கட்டமாக, சொத்து மற்றும் சம்பந்தப்பட்ட நபர்களின் (வாங்குபவர், விற்பவர், சாட்சிகள்) விவரங்களை, ஆன்லைனில் பதிவேற்றம் செய்ய வேண்டும். இரண்டாவது கட்டமாக, ஆதார் சரிபார்ப்பு மற்றும் கைரேகைப் பதிவை, ஆன்லைனிலேயே முடிக்க வேண்டும்.

மூன்றாவது கட்டமாக, முத்திரைத் தீர்வை மற்றும் பதிவுக் கட்டணங்களை, ஆன்லைன் மூலம் செலுத்த வேண்டும். நான்காவது கட்டமாக, விண்ணப்பத்தை, ஆன்லைனில் சமர்ப்பிக்க வேண்டும். இறுதியாக, ஐந்தாவது கட்டத்தில், சார்பதிவாளர், ஆன்லைனில் சமர்ப்பிக்கப்பட்ட அனைத்து ஆவணங்களையும் சரிபார்த்து, பதிவை உறுதி செய்வார்.

இந்த முழு செயல்முறையும், வெறும் 24 மணி நேரத்திற்குள் முடிந்துவிடும் என்று, அதிகாரிகள் தெரிவித்துள்ளனர். சார்பதிவாளர், ஆவணங்களைச் சரிபார்த்து, டிஜிட்டல் முறையில் கையொப்பமிட்ட பிறகு, பதிவு செய்யப்பட்ட பத்திரத்தை, விண்ணப்பதாரர், தனது லாகின் மூலம், பதிவிறக்கம் செய்துகொள்ளலாம்.

புதிய வீடுகள் மற்றும் மனைகளின் விற்பனைப் பத்திரங்கள் மட்டுமல்லாமல், வீட்டுக் கடன் தொடர்பான ஆவணங்களான, ‘டைட்டில் டீட் டெபாசிட்’ (Deposit of Title Deeds) மற்றும் கடன் முடித்ததற்கான ரசீதுகளையும், இந்த புதிய முறையில், அலுவலகத்திற்குச் செல்லாமலேயே பதிவு செய்யலாம்.

இந்த புதிய நடைமுறை, பத்திரப் பதிவுத் துறையில், வெளிப்படைத்தன்மையை அதிகரிப்பதோடு, பொதுமக்கள், தேவையில்லாமல் அலைக்கழிக்கப்படுவதையும், கால விரயத்தையும் தடுக்கும் என்று, பெரிதும் எதிர்பார்க்கப்படுகிறது. இது, டிஜிட்டல் தமிழ்நாட்டை நோக்கிய, ஒரு முக்கியப் பாய்ச்சலாகப் பார்க்கப்படுகிறது.

The post பத்திரப்பதிவு இனி 24 மணி நேரத்தில்! 5 எளிய வழிகள்! appeared first on Sathiyam TV.

இ-கேஒய்சி முடிக்காத வாடிக்கையாளர்களுக்கு உடனடியாக இணைப்பு ரத்து செய்யப்படாது என்றாலும், தற்காலிகமாக சேவை நிறுத்தப்பட வாய்ப்புள்ளது. மேலும், சிலிண்டர் முன்பதிவு செய்வதில் சிக்கல் ஏற்படுவதுடன், தகுதியானவர்களுக்கு கிடைக்கும் மானியமும் தற்காலிகமாக நிறுத்தப்படலாம்.

வாடிக்கையாளர்கள் வீட்டிலிருந்தபடியே ஸ்மார்ட்போன் மூலம் இ-கேஒய்சியை முடிக்கலாம். இதற்கு ஆதார் அட்டை, எரிவாயு இணைப்புடன் இணைக்கப்பட்ட மொபைல் எண், எல்பிஜி நுகர்வோர் எண் மற்றும் எல்பிஜி ஐடி ஆகியவற்றை தயாராக வைத்திருக்க வேண்டும். மேலும், சம்பந்தப்பட்ட நிறுவனத்தின் செயலி மற்றும் Aadhaar FaceRD செயலியை பதிவிறக்கம் செய்ய வேண்டும்.

இண்டேன் வாடிக்கையாளர்கள் IndianOil ONE செயலி, பாரத் கேஸ் வாடிக்கையாளர்கள் Hello BPCL செயலி, ஹெச்பி கேஸ் வாடிக்கையாளர்கள் HP Pay செயலி மூலம் இ-கேஒய்சி செய்யலாம். செயலியில் உள்நுழைந்து, இ-கேஒய்சி பிரிவைத் தேர்வு செய்து ஆதார் முக சரிபார்ப்பை முடிக்க வேண்டும். கடைசி நேர சிக்கல்களைத் தவிர்க்க, வாடிக்கையாளர்கள் உடனடியாக இ-கேஒய்சியை முடித்துக்கொள்வது நல்லது.

The post LPG கேஸ் சிலிண்டர் வாடிக்கையாளர்களே கவனம்… appeared first on Sathiyam TV.

இந்த அறிக்கையில் வரலாற்றிலேயே முதன்முறையாக ‘ஏர் டாக்ஸி’ (Air Taxi) மற்றும் ‘ஏர் பாட்’ (Air Pod) போன்ற அதிநவீன வான்வழிப் போக்குவரத்து வசதிகள் இடம்பெற்றுள்ளன.

அதாவது, எதிர்கால டெல்லியில் மக்கள் சாலைகளில் நெரிசலில் சிக்காமல், வானில் பறந்து கொண்டே தங்களின் இலக்கை அடையும் ஒரு கனவுத் திட்டம் தற்போது அதிகாரப்பூர்வமாகத் திட்டமிடப்பட்டுள்ளது.

இது வெறும் கற்பனை மட்டுமல்ல, டெல்லியின் நீண்ட கால வளர்ச்சித் திட்டத்தில் முறையாகச் சேர்க்கப்பட்டுள்ள ஒரு போக்குவரத்து வியூகமாகும்.

இந்தத் திட்டம் ஏர் டாக்ஸிகளுடன் மட்டும் நின்றுவிடவில்லை. டெல்லி மற்றும் ஜெவார் பகுதியில் அமையவுள்ள நொய்டா சர்வதேச விமான நிலையத்திற்கு இடையேயான இணைப்பை மேம்படுத்துவதே இதன் முக்கிய இலக்காகும்.

துவாரகா பகுதியிலிருந்து நொய்டா மற்றும் ஜெவார் விமான நிலையத்திற்கு விரைவாகச் செல்ல ‘ஸ்ட்ரேட்டஜிக் லிங்க்’ (Strategic Link) எனப்படும் புதிய வழித்தடங்கள் உருவாக்கப்பட உள்ளன.

இவை வெறும் சாலைகளாக மட்டுமின்றி, மெட்ரோ அல்லது அதிவேக ரயில் தடங்களாகவும் இருக்க வாய்ப்புள்ளது. இந்தத் திட்டத்தின் மூலம் இந்திரா காந்தி சர்வதேச விமான நிலையத்திற்கும், நொய்டா சர்வதேச விமான நிலையத்திற்கும் இடையே தடையற்ற போக்குவரத்து வசதியை ஏற்படுத்தி, பயணிகள் மற்றும் சரக்குகளை மிக எளிதாகக் கொண்டு செல்ல மத்திய அரசு திட்டமிட்டுள்ளது.

ஏர் டாக்ஸிகளைத் தவிர, அவசர காலச் சேவைகளுக்காகவும் வான்வழிப் போக்குவரத்து முக்கியத்துவம் பெறுகிறது. டெல்லியில் உள்ள பெரிய மருத்துவமனைகள் மற்றும் வானளாவிய கட்டிடங்களின் மொட்டை மாடிகளில் ஹெலிபேடுகள் அமைக்க இந்தப் புதிய திட்டம் வழிவகை செய்கிறது.

இதன் மூலம் பேரிடர் காலங்களில் மீட்புப் பணிகளை மேற்கொள்ளவும், ஏர் ஆம்புலன்ஸ் வசதி மூலம் நோயாளிகளை உடனடியாக மருத்துவமனைக்குக் கொண்டு செல்லவும் முடியும்.

விபத்துகள் அல்லது நெருக்கடியான காலங்களில் சாலைப் போக்குவரத்தை நம்பியிருக்காமல், வான்வழியாக உயிர்களைக் காப்பாற்ற இது ஒரு மிகப்பெரிய உதவியாக இருக்கும்.

ஆனாலும், இந்த ஏர் டாக்ஸி சேவை எப்போது தொடங்கும், அதற்கான கட்டணம் என்ன என்பது போன்ற தகவல்கள் இப்போதைக்கு வெளியிடப்படவில்லை. இதற்கான தனிப்பட்ட சட்டதிட்டங்கள் மற்றும் சிவில் ஏவியேஷன் துறையின் அனுமதிகள் கிடைத்த பிறகுதான், இது வணிக ரீதியாகச் செயல்பாட்டிற்கு வரும்.

இருப்பினும், டெல்லியின் எதிர்காலத் திட்டத்தில் இவை முறையாக இடம்பெற்றிருப்பது, உலகத்தரம் வாய்ந்த ஒரு நவீன நகரமாக டெல்லி மாறப்போகிறது என்பதைக் காட்டுகிறது.

யமுனை ஆறு மற்றும் கால்வாய்கள் வழியாக உள்நாட்டு நீர்வழிப் போக்குவரத்தையும் பயன்படுத்த இந்த மாஸ்டர் பிளான் பரிந்துரைக்கிறது.

மொத்தத்தில், 2047-ஆம் ஆண்டு டெல்லி என்பது தரை, நீர் மற்றும் வான் என மூன்று வழிகளிலும் இணைக்கப்பட்ட ஒரு பிரம்மாண்டமான நகரமாக உருவெடுக்கப் போவது மட்டும் உறுதி.

The post மொத்தமாக மாறப்போகும் ‘இந்தியா’! 2047-ல் நடக்கப்போகும் அதிசயம்! appeared first on Sathiyam TV.

1639-ஆம் ஆண்டு, ஆகஸ்ட் 22-ஆம் தேதி… கிழக்கிந்திய கம்பெனியின் பிரான்சிஸ் டே (Francis Day) மற்றும் ஆண்ட்ரூ கோகன் (Andrew Cogan), உள்ளூர் ஆட்சியாளரான தமர்லா வெங்கடாத்ரி நாயக்கரைச்(Damarla Chennapa Nayaka) சந்திக்கின்றனர். அவர்கள் கேட்டது, வர்த்தகம் செய்ய, ஒரு சிறிய நிலப்பகுதி. ஆனால், அவர்கள் ஏன் இந்த இடத்தை தேர்ந்தெடுத்தார்கள் தெரியுமா? காரணம், கூவம் ஆறு. அன்று, அது, நன்னீர் ஓடும் ஒரு புனித நதியாக இருந்தது. கப்பல்கள் வந்து செல்ல, இதுவே சிறந்த இடம் என்று அவர்கள் நம்பினர். வெறும் மூன்று மைல் நீளமுள்ள அந்த ‘மதராசப்பட்டினம்’ என்ற மணல் திட்டுதான், இன்றைய நவீன சென்னையின் தொடக்கப்புள்ளி.

புனித ஜார்ஜ் கோட்டையை மையமாகக் கொண்டு, நகரம் மெல்ல வளரத் தொடங்கியது. கோட்டைக்குள், ஆங்கிலேயர்கள் வாழ்ந்த பகுதி, ‘ஒயிட் டவுன்’ (White Town) என்றும், கோட்டைக்கு வெளியே, இந்தியர்கள் வாழ்ந்த பகுதி, ‘பிளாக் டவுன்’ (Black Town) என்றும் அழைக்கப்பட்டது. அந்த ‘பிளாக் டவுன்’தான், இன்றைய ஜார்ஜ் டவுன். காலப்போக்கில், இந்த இரண்டு நகரங்களும் இணைந்து, ‘மெட்ராஸ்’ என்ற ஒரு மாபெரும் மாகாணமாக உருவெடுத்தது.

சுதந்திரத்திற்குப் பிறகு, மெட்ராஸ் மாகாணம், ‘மெட்ராஸ் மாநிலமாக’ மாறியது. பின்னர், மொழிவாரி மாநிலங்கள் பிரிக்கப்பட்டபோது, ‘மெட்ராஸ் மாநிலம்’ என்பதை, ‘தமிழ்நாடு’ என்று பெயர் மாற்ற வேண்டும் என்ற கோரிக்கை, வலுவாக எழுந்தது. தியாகி சங்கரலிங்கனார், இதற்காக உண்ணாநோன்பிருந்து, தன் உயிரையே தியாகம் செய்தார். அதன் விளைவாக, 1969-ஆம் ஆண்டு, ஜனவரி 14-ஆம் தேதி, மெட்ராஸ் மாநிலம், ‘தமிழ்நாடு’ என்று அதிகாரப்பூர்வமாகப் பெயர் மாற்றம் செய்யப்பட்டது. அதன்பிறகு, 1996-ஆம் ஆண்டு, ஜூலை 17-ஆம் தேதி, ‘மெட்ராஸ்’ என்ற பெயர், ‘சென்னை’ என்று மாற்றப்பட்டது.

சென்னையின் ஒவ்வொரு கல்லும் ஒரு கதையைச் சொல்லும். லண்டனுக்கு அடுத்தபடியாக, உலகின் இரண்டாவது மிகப் பழமையான நகராட்சி மன்றம் (Municipal Corporation) உருவானது நமது சென்னையில்தான் என்பது பலரும் அறியாத உண்மை. அதேபோல், “தென் இந்தியாவின் முதல் ரயில் நிலையம் ராயபுரத்தில் தான் 1856-இல் கம்பீரமாக எழும்பியது. ஒரு காலத்தில் அமெரிக்காவின் மாசச்சூசெட்ஸ் மாகாணத்திலிருந்து ராட்சத பனிக்கட்டிகள் கப்பல் வழியாகச் சென்னைக்குக் கொண்டு வரப்பட்டு, மெரினாவில் உள்ள ‘ஐஸ் ஹவுஸ்’ எனப்படும் விவேகானந்தர் இல்லத்தில் சேமிக்கப்பட்டன. அந்த வெயிலிலும் குளிர்ச்சியை அனுபவித்த பெருமை நம் சென்னைக்கே உண்டு. இன்று உலகப்புகழ் பெற்ற ‘சிக்கன் 65’ பிறந்த இடமும் நமது சென்னைதான்; 1965-ஆம் ஆண்டு புகாரி உணவகத்தில் இது முதன்முதலாக அறிமுகப்படுத்தப்பட்டது.

இன்று சென்னை என்பது வெறும் ஒரு பெயரல்ல, அது கோடிக்கணக்கான மக்களின் உணர்வு. கர்நாடக இசை மற்றும் பரதநாட்டியத்தின் தலைநகராகத் திகழும் சென்னை, அதேசமயம் ஆசியாவின் டெட்ராய்ட் என்று அழைக்கப்படும் அளவிற்கு வாகன உற்பத்தியிலும், சர்வதேசத் தரம் வாய்ந்த மருத்துவச் சேவைகளிலும் முதன்மை பெற்று விளங்குகிறது. மெரினா கடற்கரையின் அலைகள் சொல்லும் கதைகள் முதல், தி நகரின் பரபரப்பான வணிக வீதிகள் வரை சென்னையின் ஒவ்வொரு இடமும் ஒரு தனித்துவமான வரலாற்றைத் தன்னுள் புதைத்து வைத்துள்ளது. பழமை மாறாத கலாச்சாரத்தையும், நவீனத் தொழில்நுட்பத்தின் வேகத்தையும் ஒருசேரக் கொண்டுள்ள இந்த நகரம், உலக வரைபடத்தில் தவிர்க்க முடியாத ஒரு சக்தியாகத் திகழ்கிறது.387 ஆண்டுகளைக் கடந்த போதிலும், இன்றும் பல ஆயிரம் இளைஞர்களின் கனவு நகரமாகத் திகழும் சென்னை, தன்னைத் தேடி வருபவர்களை வாழ வைக்கும் ஒரு அன்னையாகவே பார்க்கப்படுகிறது.

The post ‘சென்னை’ எப்படி உருவானது? நீங்கள் அறியாத ரகசியங்கள்! appeared first on Sathiyam TV.

ரேஷன் கடைகளில் பொருட்கள் வாங்குவதற்கு இனி அசல் குடும்ப அட்டையைக் கட்டாயமாகக் கொண்டு வர வேண்டிய அவசியமில்லை என்ற ஒரு புரட்சிகரமான மாற்றத்தைத் தமிழக உணவுத் துறை அமைச்சர் வெங்கடரமணன் சட்டப்பேரவையில் அறிவித்துள்ளார்.

இதுவரை ரேஷன் கார்டை வீட்டிலேயே மறந்து வைத்துவிட்டு வந்தாலோ அல்லது தொலைத்துவிட்டாலோ பொருட்கள் வாங்க முடியாமல் அவதிப்பட்ட மக்களுக்கு, இந்த புதிய நடைமுறை ஒரு மிகப்பெரிய வரப்பிரசாதமாக அமையப் போகிறது.

இனி ரேஷன் கார்டின் நகல் அல்லது அதன் எண் கையில் இருந்தாலே, தகுதியான பயனாளிகள் தங்களுக்குரிய பொருட்களைத் தடையின்றிப் பெற்றுக்கொள்ளலாம்.

இந்த புதிய நடைமுறை எப்படிச் செயல்படும் என்பதை விளக்கிய அமைச்சர், ஏடிஎம் இயந்திரங்களில் ரகசிய எண்ணைப் பயன்படுத்திப் பணம் எடுப்பதைப் போலவே, இனி ரேஷன் கடைகளிலும் குடும்ப அட்டை எண்ணைத் தெரிவித்தாலே போதுமானது என்று கூறியுள்ளார்.

பயனாளியின் அடையாளம் அங்குள்ள பயோமெட்ரிக் இயந்திரம் அல்லது லைவ் ஸ்கேன் முறை மூலம் உடனடியாகச் சரிபார்க்கப்படும். அடையாளம் உறுதி செய்யப்பட்டவுடன், அந்தப் பயனாளிக்குரிய உணவு தானியங்கள் உடனே வழங்கப்படும்.

இதனால், அசல் கார்டு கையில் இல்லை என்ற ஒரே காரணத்திற்காகப் பொதுமக்கள் ஏமாற்றத்துடன் திரும்பிச் செல்ல வேண்டிய நிலை இனி இருக்காது. இது ரேஷன் விநியோக முறையில் ஒரு மிகப்பெரிய டிஜிட்டல் பாய்ச்சலாகக் கருதப்படுகிறது.

மற்றுமொரு மிக முக்கியமான அம்சம் என்னவென்றால், இனி பொதுமக்கள் தங்களுக்கு ஒதுக்கப்பட்ட குறிப்பிட்ட ரேஷன் கடைக்குத் தான் செல்ல வேண்டும் என்ற கட்டாயம் இல்லை.

தமிழகத்தில் உள்ள 38,438 ரேஷன் கடைகளில் எங்கு வேண்டுமானாலும் பொதுமக்கள் பொருட்களை வாங்கிக்கொள்ளலாம். வேலை நிமித்தமாக வெளியூர் சென்றிருப்பவர்கள் அல்லது தற்காலிகமாக வேறு இடங்களில் தங்கியிருப்பவர்கள், தங்களுக்கு அருகிலுள்ள எந்தவொரு நியாயவிலைக் கடையிலும் தங்களின் ரேஷன் கார்டு எண் அல்லது ஸ்மார்ட்போனில் உள்ள அதன் மென்பிரதியைக் காட்டிப் பொருட்களைப் பெற்றுக்கொள்ளலாம்.

குறிப்பாக, திருவண்ணாமலை மற்றும் சேலம் போன்ற அதிக ரேஷன் கடைகளைக் கொண்ட மாவட்டங்களில் உள்ள மக்களுக்கு இது இன்னும் எளிதாக அமையும்.

தொழில்நுட்பம் வளர்ந்து வரும் இன்றைய சூழலில், ஓட்டுநர் உரிமம் மற்றும் ஆதார் அட்டையை டிஜிட்டல் முறையில் பயன்படுத்துவதைப் போலவே, ரேஷன் கார்டையும் ஸ்மார்ட்போனில் சேமித்து வைத்துக் கொள்ள அரசு அனுமதி அளித்துள்ளது.

இந்த எளிய வழிமுறை மூலம், ரேஷன் விநியோகத்தில் நிலவும் தேவையற்ற காலதாமதங்கள் தவிர்க்கப்படுவதோடு, முறைகேடுகளும் பெருமளவு குறையும் என்று எதிர்பார்க்கப்படுகிறது.

தமிழக அரசின் இந்த அதிரடி மாற்றமானது, சாமானிய மக்களின் அன்றாட வாழ்வை எளிதாக்குவதோடு, ரேஷன் சேவையை இன்னும் வெளிப்படையானதாகவும், எளிதில் அணுகக்கூடியதாகவும் மாற்றியுள்ளது.

The post ரேஷன் கார்டில் அதிரடி மாற்றம்! நோட் பண்ணிக்கோங்க.. appeared first on Sathiyam TV.

இந்தத் திட்டத்தின் கீழ் தகுதியான பயனாளிகளுக்கு வழங்கப்பட்டு வரும் இடைக்கால மாத ஊதியத்திற்கான அகவிலைப்படியை 60 சதவீதமாக உயர்த்தித் தமிழக அரசு அதிரடி உத்தரவு பிறப்பித்துள்ளது. இது பாதிக்கப்பட்ட குடும்பங்களுக்குப் பொருளாதார ரீதியாக ஒரு மிகப்பெரிய நிம்மதியைத் தரும் என்று எதிர்பார்க்கப்படுகிறது.

இந்த புதிய உத்தரவின் நுணுக்கங்களை நாம் கவனித்தால், பொதுவாக ஒரு அரசு ஊழியர் பணியில் இருக்கும்போது உயிரிழக்க நேரிட்டால், அவரது குடும்பத்தினருக்கு ஒரு குறிப்பிட்டத் தொகை இடைக்கால நிவாரணமாக வழங்கப்படுகிறது.

இது ஊழியர் கடைசியாகப் பெற்ற அடிப்படை ஊதியத்தில் 30 சதவீதம் அல்லது குறைந்தபட்சம் 10 ஆயிரம் ரூபாய் என்ற அளவில் இருக்கும். இந்தத் தொகையுடன் சேர்த்து வழங்கப்பட்டு வந்த அகவிலைப்படியைத்தான் தற்போது ஒரே சீராக 60 சதவீதமாக உயர்த்தி அரசு உத்தரவிட்டுள்ளது.

இந்த உயர்வு, கடந்த 2026-ஆம் ஆண்டு ஜனவரி 1-ஆம் தேதி முதல் முன் தேதியிட்டு நடைமுறைக்கு வரும் என அதிகாரப்பூர்வமாகத் தெரிவிக்கப்பட்டுள்ளது.

மேலும், 6-வது மற்றும் 7-வது ஊதியக் குழுவின் கீழ் வருபவர்களுக்கான ஊதிய விகிதங்களிலும் தெளிவான வழிகாட்டுதல்கள் வழங்கப்பட்டுள்ளன.

6-வது ஊதியக் குழுவின் கீழ் கடைசியாக ஊதியம் பெற்றவர்களுக்கு அகவிலைப்படியானது 262 சதவீதமாக நிர்ணயிக்கப்பட்டுள்ளது.

ஒருவேளை, ஒரு ஊழியரின் அடிப்படை ஊதியம் 10 ஆயிரம் ரூபாய்க்குக் குறைவாக இருந்தால், அது குறைந்தபட்சம் 10 ஆயிரம் ரூபாயாக உயர்த்தப்பட்டு, அதன் பிறகு அகவிலைப்படி கணக்கிடப்படும். 7-வது ஊதியக் குழுவின் கீழ் இன்னும் ஊதியம் நிர்ணயிக்கப்படாதவர்களுக்கும் இந்த 10 ஆயிரம் ரூபாய் குறைந்தபட்ச வரம்பு பொருந்தும் என அரசு தெளிவுபடுத்தியுள்ளது.

இந்த மாற்றங்கள் அனைத்தும் எந்தவிதத் தாமதமுமின்றி உரியப் பயனாளிகளுக்குச் சென்றடைவதை உறுதி செய்யுமாறு கருவூலம் மற்றும் கணக்குத் துறை ஆணையருக்குத் தமிழக அரசு அறிவுறுத்தியுள்ளது. இதற்கான நிதி ஒதுக்கீடு மற்றும் கணக்கீட்டுப் பணிகளைத் துரிதப்படுத்துமாறு அனைத்து மாவட்ட கருவூல அதிகாரிகளுக்கும் உத்தரவிடப்பட்டுள்ளது.

அரசு ஊழியர்களின் நலனைப் பாதுகாப்பதிலும், அவர்களின் குடும்பத்தின் சமூகப் பாதுகாப்பை உறுதி செய்வதிலும் இந்த அதிரடி நடவடிக்கை ஒரு மிக முக்கியமான மைல்கல்லாகப் பார்க்கப்படுகிறது. தமிழக அரசின் இந்தச் செயலை அரசு ஊழியர் சங்கங்கள் மற்றும் பாதிக்கப்பட்ட குடும்பத்தினர் வெகுவாகப் பாராட்டி வருகின்றனர்.

The post தமிழக அரசு ஊழியர்களுக்கு முக்கிய செய்தி! முதலமைச்சர் விஜய்யின் அதிரடி அறிவிப்பு! appeared first on Sathiyam TV.

விலையை கட்டுப்படுத்தவும், உள்நாட்டு சந்தையில் போதுமான இருப்பை உறுதி செய்யவும் மத்திய அரசு நீண்ட இடைவெளிக்குப் பிறகு சர்க்கரை இறக்குமதிக்கு அனுமதி வழங்கியுள்ளது. அதன்படி, சுமார் 10 லட்சம் டன் சர்க்கரையை இறக்குமதி செய்ய அனுமதி வழங்கப்பட்டுள்ளதாக தெரிவிக்கப்பட்டுள்ளது. இந்த நடவடிக்கை மூலம் உடனடியாக சந்தையில் சர்க்கரை தட்டுப்பாடு குறைவதுடன், விலை கட்டுக்குள் வரும் என எதிர்பார்க்கப்படுகிறது.

மேலும், எத்தனால் உற்பத்தி மற்றும் உள்நாட்டு சர்க்கரை தேவைக்கு இடையே சமநிலையை ஏற்படுத்தும் வகையில், செப்டம்பர் 30, 2026 வரை சர்க்கரை ஏற்றுமதிக்கு கட்டுப்பாடுகள் விதிக்கப்பட்டுள்ளன. இறக்குமதி செய்யப்படும் சர்க்கரை மூலம் அடுத்த சில மாதங்களில் சந்தை நிலைமை சீராகும் என எதிர்பார்க்கப்படுகிறது.

இதற்கிடையே, இறக்குமதி அறிவிப்பு சர்க்கரை நிறுவனங்களின் பங்குகளில் தாக்கத்தை ஏற்படுத்தியுள்ளது. டால்மியா பாரத் சுகர் பங்கு 5.47%, துவாரகேஷ் சுகர் 4.32%, பல்ராம்பூர் சீனி மில்ஸ் 4.15%, திரிவேணி இன்ஜினியரிங் 3.82%, EID பாரி 2.22% வரை சரிந்தன. இதனால் முதலீட்டாளர்கள் அதிர்ச்சி அடைந்துள்ளனர்.

The post சர்க்கரை விலை இனி குறையுமா? மத்திய அரசு எடுத்த அதிரடி முடிவு! appeared first on Sathiyam TV.

எனவே EPF கணக்கில் உள்ள விவரங்களை சரியாக பராமரிப்பது மிகவும் அவசியம். குறிப்பாக, வேலையில் சேர்ந்த தேதி (Date of Joining – DOJ) மற்றும் வேலையிலிருந்து விலகிய தேதி (Date of Exit – DOE) ஆகியவை சரியாக பதிவு செய்யப்பட்டுள்ளதா என்பதை ஊழியர்கள் சரிபார்க்க வேண்டும்.

DOJ தவறாக பதிவானால், உண்மையில் பணிபுரிந்த காலம் குறைவாகக் கணக்கிடப்படலாம். இதனால் சேவை காலம் மற்றும் வட்டி கணக்கீட்டில் பாதிப்பு ஏற்பட வாய்ப்புள்ளது.

அதேபோல், DOE சரியாக பதிவு செய்யப்படவில்லை என்றால் புதிய நிறுவனத்திற்கு PF தொகையை மாற்றுவதிலும், PF பணத்தை பெறுவதிலும் தாமதம் ஏற்படலாம்.

குறிப்பாக EPS ஓய்வூதியத்திற்கு தேவையான 10 ஆண்டு சேவை காலத்தை கணக்கிடும்போது, தவறான தேதிகள் சிக்கலை ஏற்படுத்தக்கூடும்.

மேலும், தவறான தேதிகள் காரணமாக பணிக்காலத்தில் இடைவெளி இருப்பது போன்ற முரண்பாடுகளும் ஏற்படலாம். எனவே வேலை மாறும்போதும், விலகும்போதும் EPFO கணக்கை சரிபார்ப்பது அவசியம்.

ஆதார் இணைக்கப்பட்ட UAN கணக்கு வைத்திருப்பவர்கள், குறிப்பிட்ட விதிமுறைகளின்படி DOE தேதியை ஆன்லைனில் புதுப்பிக்க முடியும். EPF கணக்கை அவ்வப்போது சரிபார்ப்பது எதிர்கால சிக்கல்களைத் தவிர்க்க உதவும்.

The post PF பணம் சேமிப்பவர்கள் கவனத்திற்கு: இந்த தவறை செய்யாதீர்கள்… appeared first on Sathiyam TV.