இன்று காலை தங்கம் ஒரு கிராமுக்கு ரூ.15 உயர்ந்து ரூ.14,385-க்கும், ஒரு சவரன் ரூ.120 அதிகரித்து ரூ.1,15,040-க்கும் விற்பனை செய்யப்பட்டது. ஆனால், மாலை நிலவரப்படி ஒரு கிராம் தங்கத்தின் விலை ரூ.210 குறைந்து ரூ.14,175 ஆகவும், ஒரு சவரன் ரூ.1,680 சரிந்து ரூ.1,13,400 ஆகவும் விற்பனை செய்யப்படுகிறது.

இதேபோல் வெள்ளியின் விலையும் தொடர்ந்து சரிந்துள்ளது. காலை ஒரு கிராம் வெள்ளி ரூ.5 குறைந்து ரூ.255-க்கு விற்பனை செய்யப்பட்டது. ஒரு கிலோ பார் வெள்ளியின் விலை ரூ.5,000 குறைந்து ரூ.2.55 லட்சமாக இருந்தது.

மாலையில் வெள்ளி விலை மேலும் ரூ.5 குறைந்து, ஒரு கிராம் ரூ.250-க்கும், ஒரு கிலோ பார் வெள்ளி ரூ.2.50 லட்சத்துக்கும் விற்பனை செய்யப்படுகிறது

The post 01.09.2026; மாலையில் அதிரடியாக குறைந்த தங்கம் விலை: சவரன் எவ்வளவு? appeared first on Sathiyam TV.

நடப்பு நிதியாண்டின் முதல் காலாண்டில், அதாவது ஏப்ரல் முதல் ஜூன் வரையிலான காலக்கட்டத்தில் இந்தியாவின் ஜிடிபி (GDP) வளர்ச்சி 7.8 சதவீதமாக உயர்ந்துள்ளது.

இது பொருளாதார வல்லுநர்கள் எதிர்பார்த்ததை விடவும், ரிசர்வ் வங்கி கணித்த 7 சதவீதத்தை விடவும் மிகக் கூடுதல் வளர்ச்சி என்பதால் உலக நாடுகளே இந்தியாவை வியப்புடன் பார்க்கின்றன.

கிர்கிஸ்தானில் நடைபெற்று வரும் ஷாங்காய் ஒத்துழைப்பு மாநாட்டில் கலந்து கொண்டுள்ள பிரதமர் மோடி, அங்கிருந்து வெளியிட்டுள்ள ஒரு வீடியோ செய்தியில் எதிர்க்கட்சிகளை மிகக் கடுமையாகச் சாடியுள்ளார்.

“நாட்டைச் சுற்றி எழும் பொய் ஒலிகளை (Jhooth Ki Goonj) இந்த வளர்ச்சி எண்கள் அம்பலப்படுத்திவிட்டன” என்று அவர் அதிரடியாகத் தெரிவித்துள்ளார். குறிப்பாக ராகுல் காந்தியின் ‘மாணவர்களின் ஒலி’ என்ற பிரச்சாரத்தை பாஜக ‘பொய் ஒலி’ என்று கிண்டல் செய்து வரும் நிலையில், பிரதமரின் இந்த விமர்சனம் அரசியல் களத்தில் அனல் பறக்க வைத்துள்ளது.

ராகுல் காந்தி பேசிய 40 கருத்துகளில் 29 தகவல்கள் முற்றிலும் பொய்யானவை என்று பாஜக குற்றம் சாட்டியுள்ளதைச் சுட்டிக்காட்டும் விதமாகவே பிரதமரின் இந்தப் பேச்சு அமைந்துள்ளது.

“2020 கொரோனா காலம் தொடங்கி இன்று வரை உலகில் எங்குமே ஒரு நிலையான சூழல் இல்லை. ஒருபுறம் போர்ச் செய்திகள், மறுபுறம் சிதைந்து கிடக்கும் விநியோகச் சங்கிலி என உலகம் முழுவதும் நெருக்கடியில் உள்ளது.

ஆனால், இவ்வளவு தடைகளையும் மீறி இந்தியா இவ்வளவு வேகத்தில் வளர்வது நமது மக்களின் கடின உழைப்பிற்கும், உறுதிக்கும் கிடைத்த வெற்றி” என்று பிரதமர் பெருமிதம் தெரிவித்துள்ளார்.

நம்பிக்கையற்ற நிலையில் இருப்பவர்கள் பரப்பும் வதந்திகளைத் தகர்த்து இந்தியா முன்னேறி வருவதாக அவர் குறிப்பிட்டுள்ளார். தொடர்ந்து பேசிய பிரதமர், இந்தியாவை ஒரு சுயசார்பு நாடாக மாற்ற (Atmanirbhar Bharat) மக்கள் சில முக்கிய முடிவுகளை எடுக்க வேண்டும் என்று உருக்கமாக வேண்டுகோள் விடுத்துள்ளார்.

“சுற்றுலாச் செல்வதாக இருந்தால் இந்தியாவிற்குள்ளேயே செல்லுங்கள், திருமணங்களை வெளிநாடுகளில் நடத்தாமல் இந்தியாவிலேயே நடத்துங்கள் (Wed in India), அவசியமில்லாத பட்சத்தில் தங்கம் வாங்குவதைத் தவிர்த்தால் நமது அந்நியச் செலாவணி சேமிக்கப்படும்” என்று அவர் கூறியுள்ளார்.

இந்தச் சுதேசி மந்திரமே இந்தியாவின் 100-வது சுதந்திர தினத்தில் நம்மை ஒரு வளர்ந்த நாடாக மாற்றும் என்று பிரதமர் மோடி நம்பிக்கை தெரிவித்துள்ளார். உலகின் மிக வேகமாக வளரும் பெரிய பொருளாதார நாடாக இந்தியா தனது முதலிடத்தைத் தக்கவைத்துக் கொண்டுள்ளது, சர்வதேச சந்தையில் இந்தியாவின் மதிப்பை மீண்டும் ஒருமுறை உறுதிப்படுத்தியுள்ளது.

The post ‘தங்கம் வாங்காதீங்க.. இந்தியாவிலேயே கல்யாணம் பண்ணுங்க!’ பிரதமர் மோடி வேண்டுகோள்! appeared first on Sathiyam TV.

ஹார்முஸ் ஜலசந்திக்கு அருகே அமைந்துள்ள ஈரானின் லாரக் தீவில் உள்ள ராக்கெட் ஏவுதளங்கள் மீது அமெரிக்கப் படைகள் நடத்திய அதிரடித் தாக்குதல், மத்திய கிழக்கில் மீண்டும் ஒரு போர்க்களச் சூழலை உருவாக்கியுள்ளது.

கடந்த ஒரு மாதத்தில் அமெரிக்கா நடத்திய முதல் நேரடி ராணுவ நடவடிக்கை இது என்பது குறிப்பிடத்தக்கது.

இந்தத் தாக்குதலுக்குப் பின்னால் ஒரு மிக முக்கியமான காரணத்தை அமெரிக்காவின் மத்திய கட்டளைக் குழு முன்வைக்கிறது. உலக வர்த்தகத்தின் முக்கியப் பாதையான ஹார்முஸ் ஜலசந்தியில், கப்பல்களைத் தகர்க்கும் வகையில் கடல் கண்ணிவெடிகளைத் தாங்கிய ராக்கெட்டுகளை ஏவ ஈரான் ராணுவம் தயாராகி வந்ததாக அமெரிக்கா குற்றம் சாட்டியுள்ளது.

கடந்த வாரம்தான் இந்தப் பாதையில் இருந்த கண்ணிவெடிகளை அமெரிக்கா அகற்றிச் சுத்தம் செய்திருந்தது. ஆனால், அமெரிக்காவின் இந்தத் திடீர் தாக்குதலில் தங்கள் நாட்டுப் பாதுகாப்புப் படை வீரர்கள் மட்டுமின்றி, அப்பாவிப் பொதுமக்களும் கொல்லப்பட்டுள்ளதாக ஈரான் அரசுத் தொலைக்காட்சி வேதனையுடன் தெரிவித்துள்ளது.

இதற்குப் பதிலடியாக அமெரிக்காவின் நிலைகள் மீது ஈரான் ஏவுகணைகளை வீசி வருவதால், போர் இப்போது அடுத்தக் கட்டத்திற்குச் சென்றுள்ளது.

கடந்த பிப்ரவரி 28-ம் தேதி தொடங்கிய இந்தப் போர், இதுவரை பல லட்சம் மக்களின் வாழ்க்கையைச் சிதைத்துள்ளது. இடையில் பாகிஸ்தான் முயற்சியால் ஒரு தற்காலிகப் போர் நிறுத்தம் ஏற்பட்டாலும், இரு நாடுகளுமே அந்த ஒப்பந்தத்தை முழுமையாக மதிக்கவில்லை என்பதே கசப்பான உண்மை.

சமீபத்தில் அதிபர் ட்ரம்ப், ராணுவத் தாக்குதல்களைக் குறைத்துக்கொண்டு பொருளாதாரத் தடைகள் மூலம் ஈரானை முடக்கப் போவதாக அறிவித்திருந்தார்.

அமெரிக்காவின் ஆயுத இருப்பு குறைந்து வருவதே இதற்குக் காரணம் எனச் சொல்லப்பட்ட நிலையில், இப்போது திடீரெனத் தனது வியூகத்தை மாற்றி அமெரிக்கா நேரடித் தாக்குதலில் இறங்கியிருப்பது உலக நாடுகளைத் திகைக்க வைத்துள்ளது.

இந்தப் புதிய மோதலின் எதிரொலியாக, உலகச் சந்தையில் கச்சா எண்ணெய் விலை ஒரே நாளில் 2.35 சதவீதம் உயர்ந்து, ஒரு பேரல் 85 டாலருக்கும் மேல் வர்த்தகமாகத் தொடங்கியுள்ளது. இது இந்தியா போன்ற நாடுகளுக்கு ஒரு மிகப்பெரிய அச்சுறுத்தலாகும்.

கச்சா எண்ணெய் விலை அதிகரிப்பால் வரும் நாட்களில் பெட்ரோல் மற்றும் டீசல் விலை அதிரடியாக உயர வாய்ப்புள்ளது. இது ஒருபுறமிருக்க, உலகப் பங்குச்சந்தைகளில் ஒருவிதமான பயம் கலந்த சரிவு காணப்படுகிறது.

முதலீட்டாளர்கள் பாதுகாப்பான முதலீடுகளைத் தேடி ஓடுவதால், தங்கம் விலையில் மிகப்பெரிய ஏற்ற இறக்கங்கள் ஏற்படலாம் எனப் பொருளாதார வல்லுநர்கள் எச்சரிக்கின்றனர். அமைதிக்கான வழிகள் அனைத்தும் அடைக்கப்பட்ட சூழலில், ஹார்முஸ் ஜலசந்தி மீண்டும் மூடப்பட்டால் உலகப் பொருளாதாரமே ஒரு இருண்ட காலத்தை நோக்கிச் செல்ல நேரிடும்.

The post ஈரான் – அமெரிக்கா செய்த பெரிய ‘சம்பவம்’! வெடிக்கப்போகும் ‘தங்கம்’ விலை? appeared first on Sathiyam TV.

ஒரு சவரன் தங்கம் ரூ.1.04 லட்சம் முதல் ரூ.1.08 லட்சம் வரை விற்பனையான நிலையில், திடீரென ரூ.1.20 லட்சத்தை எட்டியது. இதனால் நகைப்பிரியர்கள் அதிர்ச்சி அடைந்தனர்.

எனினும், கடந்த வார இறுதியில் விலை குறையத் தொடங்கிய நிலையில், இன்றும் தங்கத்தின் விலை சரிந்துள்ளது.

சர்வதேச சந்தையில் ஏற்படும் கணிக்க முடியாத மாற்றங்கள், அமெரிக்க மத்திய வங்கியின் வட்டி விகிதம் குறித்த எதிர்பார்ப்புகள் மற்றும் முதலீட்டாளர்கள் லாபத்தை உறுதி செய்யும் நடவடிக்கைகள் ஆகியவை தங்கம் விலை சரிவுக்கு முக்கிய காரணங்களாக கூறப்படுகின்றன.

இன்றைய நிலவரப்படி, தங்கம் கிராமுக்கு ரூ.135 குறைந்து ரூ.14,370-க்கும், சவரனுக்கு ரூ.1,080 குறைந்து ரூ.1,14,960-க்கும் விற்பனை செய்யப்படுகிறது.

வெள்ளி விலையும் குறைந்துள்ளது. ஒரு கிராம் வெள்ளி ரூ.5 குறைந்து ரூ.260-க்கும், ஒரு கிலோ பார் வெள்ளி ரூ.5,000 குறைந்து ரூ.2.60 லட்சத்துக்கும் விற்பனை செய்யப்படுகிறது.

The post மாத கடைசியில் நகைப்பிரியர்களுக்கு நிம்மதி: தங்கம் விலை அதிரடி சரிவு… appeared first on Sathiyam TV.

கடந்த ஆகஸ்ட் 25-ம் தேதி ஒரு அவுன்ஸ் தங்கம் 4,696 டாலர் என்ற மூன்று மாத உச்சத்தைத் தொட்ட நிலையில், வெள்ளிக்கிழமை ஒரே நாளில் அதன் விலை ஒரு சதவீதத்திற்கும் மேலாகச் சரிந்துள்ளது.

இந்தத் திடீர் வீழ்ச்சிக்கு உலகளாவிய பொருளாதாரக் காரணங்கள் மற்றும் அமெரிக்காவிலிருந்து வெளியான ஒரு முக்கிய அறிவிப்பே காரணமாகப் பார்க்கப்படுகிறது.

அமெரிக்க மத்திய வங்கியான பெடரல் ரிசர்வ் தலைவர் கெவின் வார்ஷ், ஜாக்சன் ஹோல் நகரில் நடைபெற்ற புகழ்பெற்ற வருடாந்திர கூட்டத்தில் ஆற்றிய உரைதான் இந்த மாற்றத்திற்கு காரணம்.

அமெரிக்காவில் பணவீக்கம் இன்னும் கட்டுக்குள் வரவில்லை என்றும், அதனை 2 சதவீத இலக்கிற்குக் கொண்டு வரத் தங்களுக்கு இன்னும் நிறைய வேலைகள் இருப்பதாகவும் அவர் தெரிவித்தார்.

குறிப்பாக, பணவீக்கத்தைக் குறைக்க வட்டி விகிதங்களை மீண்டும் உயர்த்த வேண்டிய கட்டாயம் ஏற்படலாம் என்று அவர் சூசகமாகத் தெரிவித்தது, உலகத் தங்கச் சந்தையில் ஒரு நிலநடுக்கத்தையே உண்டாக்கியுள்ளது.

இதன் நேரடி எதிரொலியாக, சர்வதேசச் சந்தையில் ஒரு அவுன்ஸ் தங்கத்தின் விலை 4,563 டாலராகக் குறைந்தது. இந்தியச் சந்தையைப் பொறுத்தவரை, 10 கிராம் தங்கத்தின் விலை சுமார் 2,830 ரூபாய் சரிந்து, ஒரு லட்சத்து 56 ஆயிரத்து 780 ரூபாயாகப் பதிவாகியுள்ளது. இது 1.77 சதவீத வீழ்ச்சியாகும்.

அமெரிக்காவின் வேலைவாய்ப்புத் தரவுகள் சற்று கவலை அளிப்பதாக இருந்தாலும், தங்களின் முதல் முன்னுரிமை விலைவாசியைக் கட்டுப்படுத்துவதுதான் என்பதில் கெவின் வார்ஷ் உறுதியாக இருக்கிறார்.

அவரது இந்தப் பேச்சு வரும் செப்டம்பர் மாதக் கூட்டத்தில் வட்டி விகிதம் உயர்த்தப்படுமா என்ற விவாதத்தைப் பெரிதாக்கியுள்ளது.

வழக்கமாக வட்டி விகிதங்கள் உயரும்போது, தங்கம் மீதான முதலீடுகள் குறையத் தொடங்கும். ஏனெனில், முதலீட்டாளர்கள் அதிக வட்டி தரும் டாலர் மற்றும் பாண்டுகள் பக்கம் தங்கள் கவனத்தைத் திருப்புவார்கள்.

தற்போது அமெரிக்காவில் 12 மாத கால பணவீக்கம் 3.7 சதவீதமாக இருப்பதாலும், ஆறு மாத கால பணவீக்கம் 4.1 சதவீதமாக உயர்ந்திருப்பதாலும், பெடரல் ரிசர்வ் கடுமையான நடவடிக்கைகளை எடுக்கும் என எதிர்பார்க்கப்படுகிறது.

இது தங்கம் விலையை மேலும் சரிவை நோக்கித் தள்ளுமா அல்லது மீண்டும் ஒரு ஏற்றம் வருமா என்பதை நாம் பொறுத்திருந்துதான் பார்க்க வேண்டும்.

The post அமெரிக்கா எடுத்த ஒரே முடிவு! தங்கம் விலையில் அதிரடி ‘திருப்பம்’! appeared first on Sathiyam TV.

கடந்த சில நாட்களாக தங்கத்தின் விலை தொடர்ந்து மாற்றம் கண்டு வரும் நிலையில், இன்றைய விலை குறைவு பொதுமக்கள் மற்றும் நகை வாங்கத் திட்டமிடுவோருக்கு சற்று ஆறுதலை அளித்துள்ளது. இருப்பினும், சர்வதேச சந்தை நிலவரம், அமெரிக்க டாலரின் மதிப்பு உள்ளிட்ட பல்வேறு காரணிகளால் தங்கத்தின் விலையில் மீண்டும் மாற்றம் ஏற்பட வாய்ப்புள்ளது.

இதேபோல், வெள்ளியின் விலையும் இன்று கணிசமாக குறைந்துள்ளது. ஒரு கிராம் வெள்ளி ரூ.5 குறைந்து ரூ.260-க்கு விற்பனை செய்யப்படுகிறது. ஒரு கிலோ பார் வெள்ளியின் விலை ரூ.5,000 குறைந்து ரூ.2,60,000-க்கு விற்பனை செய்யப்படுகிறது.

The post 29.08.2026; நகை வாங்குவோருக்கு குட்நியூஸ்: தங்கம் விலை குறைவு!! appeared first on Sathiyam TV.

இன்று காலை தங்கம் விலை மீண்டும் குறைந்தது. ஒரு கிராமுக்கு ரூ.70 குறைந்து ரூ.14,940-க்கும், ஒரு சவரனுக்கு ரூ.560 குறைந்து ரூ.1,19,520-க்கும் விற்பனை செய்யப்பட்டது. இதனைத் தொடர்ந்து இன்று இரண்டாவது முறையாக தங்கம் விலை அதிரடியாக சரிந்துள்ளது.

தற்போது ஒரு கிராம் தங்கம் ரூ.14,725-க்கும், ஒரு சவரன் ரூ.1,17,800-க்கும் விற்பனை செய்யப்படுகிறது. அதாவது, இன்று ஒரே நாளில் ஒரு கிராம் தங்கத்தின் விலை ரூ.355 வரையும், சவரன் விலை ரூ.2,280 வரையும் குறைந்துள்ளது. இந்த திடீர் விலை சரிவு நகை வாங்க திட்டமிட்டுள்ள பொதுமக்கள் மற்றும் நகை வியாபாரிகளின் கவனத்தை ஈர்த்துள்ளது.

இதனிடையே வெள்ளி விலையிலும் மாற்றம் ஏற்பட்டுள்ளது. ஒரு கிராம் வெள்ளி ரூ.265-க்கும், ஒரு கிலோ வெள்ளி ரூ.2,65,000-க்கும் விற்பனை செய்யப்படுகிறது. தங்கம் விலை தொடர்ந்து மாறி வருவதால், நகை வாங்குவோர் சந்தை நிலவரத்தை கவனித்து வருகின்றனர்.

The post நகை வாங்குவோருக்கு சூப்பர் நியூஸ்: தங்கம் விலை அதிரடி வீழ்ச்சி!! appeared first on Sathiyam TV.

அதன்படி, இந்த ஆண்டின் தொடக்கத்தில் ஒரு சவரன் ரூ.1.34 லட்சம் வரை உயர்ந்தது. ஆனால் அடுத்த சில வாரங்களில் தங்கத்தின் விலை கணிசமாக குறைந்து, ஒரு சவரன் ரூ.1 லட்சம் என்ற அளவுக்கு வந்தது.

அமெரிக்கா-ஈரான் இடையேயான போர் காரணமாக முதலீட்டாளர்கள் தங்கத்தை விட கச்சா எண்ணெயில் அதிக கவனம் செலுத்தியது விலை குறைவுக்கு முக்கிய காரணமாக பார்க்கப்பட்டது.

தற்போது இரு நாடுகளுக்கும் இடையேயான பதற்றம் தணிந்துள்ள நிலையில், முதலீட்டாளர்களின் கவனம் மீண்டும் தங்கத்தின் பக்கம் திரும்பியுள்ளது. பொருளாதார மாற்றங்கள் மற்றும் பங்குச்சந்தையில் காணப்படும் ஏற்ற இறக்கங்களால், பாதுகாப்பான முதலீடாக தங்கத்தை பலரும் தேர்வு செய்து வருகின்றனர்.

இந்நிலையில், கடந்த சில வாரங்களாக தங்கத்தின் விலை தொடர்ந்து உயர்ந்து வந்தது. நேற்று சற்று குறைந்த நிலையில், இன்று விலையில் எந்த மாற்றமும் இல்லை. சென்னையில் ஒரு கிராம் தங்கம் ரூ.15,010-க்கும், ஒரு சவரன் ரூ.1,20,080-க்கும் விற்பனை செய்யப்படுகிறது.

வெள்ளி விலையும் இன்று மாற்றமின்றி காணப்படுகிறது. ஒரு கிராம் வெள்ளி ரூ.265-க்கும், ஒரு கிலோ வெள்ளி ரூ.2.65 லட்சத்திற்கும் விற்பனை செய்யப்படுகிறது.

The post 26.08.2026; நகைப்பிரியர்களுக்கு ஷாக்: தங்கம் விலை தொடர்ந்து உயர்வு… appeared first on Sathiyam TV.

இந்நிலையில், இன்று தங்கம் விலை மேலும் உயரும் என எதிர்பார்க்கப்பட்ட நிலையில், சற்று குறைந்துள்ளது. கிராமுக்கு ரூ.20 குறைந்து ஒரு கிராம் ரூ.15,010-க்கும், சவரனுக்கு ரூ.160 குறைந்து ஒரு சவரன் ரூ.1,20,080-க்கும் விற்பனை செய்யப்படுகிறது.

தங்கத்தைத் தொடர்ந்து வெள்ளி விலையும் இன்று குறைந்துள்ளது. வெள்ளி கிராமுக்கு ரூ.10 குறைந்து, ஒரு கிராம் ரூ.265-க்கும், ஒரு கிலோ பார் வெள்ளி ரூ.2 லட்சத்து 65 ஆயிரத்துக்கும் விற்பனையாகிறது. தங்கம், வெள்ளி விலையில் ஏற்பட்டுள்ள இந்த சிறிய சரிவு பொதுமக்களுக்கு சற்று நிம்மதியை அளித்துள்ளது.

The post 25.08.2026; தங்கம் விலை சற்று குறைவு: இன்றைய நிலவரம்… appeared first on Sathiyam TV.

ராய்ட்டர்ஸ் (Reuters) செய்தி நிறுவனம் வெளியிட்டுள்ள விரிவான புள்ளிவிவரங்களின்படி, சர்வதேச சந்தையில் ஒரு அவுன்ஸ் தங்கத்தின் விலை 0.7 சதவீதம் உயர்ந்து, 4,636 டாலராக வர்த்தகமாகி வருகிறது. இது கடந்த மே மாதம் 15-ஆம் தேதிக்குப் பிறகு பதிவான மிக உயர்ந்த விலையாகும்.

அமெரிக்காவின் பொருளாதாரக் கொள்கைகளில் ஏற்பட்டுள்ள மாற்றங்களும், டாலரின் மதிப்பு வீழ்ச்சியடைந்ததும் இந்தத் திடீர் விலையேற்றத்திற்கு மிக முக்கியக் காரணங்களாகப் பார்க்கப்படுகின்றன.

அமெரிக்காவின் நிதித்துறை மேற்கொண்டு வரும் ‘பத்திரங்கள் மறுக்கொள்முதல்’ (அதாவது,Bond Buyback) திட்டத்தால், சர்வதேசச் சந்தையில் டாலரின் வலிமை குறைந்து வருகிறது.

டாலரின் மதிப்பு குறையும்போது, மற்ற நாட்டு கரன்சிகளைப் பயன்படுத்துபவர்களுக்குத் தங்கம் வாங்குவது மலிவாகத் தெரிவதால், உலக அளவில் தங்கத்தின் மீதான முதலீடு அதிகரித்துள்ளது.

மேலும், இந்த வார இறுதியில் அமெரிக்க மத்திய வங்கியின் தலைவர் கெவின் வார்ஷ் (Kevin Warsh) ஆற்றவிருக்கும் உரை மற்றும் ஜூலை மாதத்திற்கான பணவீக்கத் தரவுகள் குறித்த எதிர்பார்ப்பு, முதலீட்டாளர்களைத் தங்கம் நோக்கித் திருப்பியுள்ளது.

உலகப்புகழ் பெற்ற கோல்ட்மேன் சாக்ஸ் (Goldman Sachs) வங்கி கணித்துள்ளபடி, தங்கத்தின் விலை இந்த ஆண்டின் இறுதிக்குள் 4,900 டாலரைத் தாண்டும் என்ற செய்தி சந்தையை இன்னும் சூடாக்கியுள்ளது.

தனிநபர் முதலீட்டாளர்கள் மட்டுமின்றி, உலக நாடுகளின் மத்திய வங்கிகளும் தங்கத்தை அள்ளிக்குவித்து வருகின்றன. உதாரணமாக, போலந்து நாட்டின் மத்திய வங்கி தனது தங்க இருப்பைச் சுமார் 640 மெட்ரிக் டன்களாக அதிகரித்துள்ளது.

இது அரசுத் துறைகளிலும் தங்கத்தின் மீதான டிமாண்ட் குறையவில்லை என்பதைக் காட்டுகிறது. மறுபுறம், ஈரானுக்கு எதிராக அமெரிக்கா விதிக்கப்போகும் புதிய பொருளாதாரத் தடைகளும், அமெரிக்கா மற்றும் கனடா இடையே வெடித்துள்ள வர்த்தகப் போரும் உலகப் பொருளாதாரத்தில் ஒரு நிலையற்ற தன்மையை உருவாக்கியுள்ளன.

இத்தகைய போர் மற்றும் வர்த்தக மோதல் காலங்களில், பாதுகாப்பான முதலீடாகத் தங்கத்தையே அனைவரும் கருதுகின்றனர்.

தங்கத்தைத் தொடர்ந்து வெள்ளியின் விலையும் அதிரடியாக உயர்ந்து வருகிறது. சர்வதேசச் சந்தையில் ஒரு அவுன்ஸ் வெள்ளியின் விலை 69 டாலராக உயர்ந்துள்ளது.

அதேபோல் பிளாட்டினம் மற்றும் பல்லேடியம் போன்ற உலோகங்களின் விலையும் ஏறுமுகத்திலேயே உள்ளன. இந்தியாவைப் பொருத்தவரை, சர்வதேசச் சந்தையில் ஏற்பட்டுள்ள இந்தத் தாக்கம் ஆபரணத் தங்கத்தின் விலையிலும் பிரதிபலிக்கும் என்று எதிர்பார்க்கப்படுகிறது.

தங்கம் விலை எப்போது குறையும் என்று காத்திருந்த மக்களுக்கு, சர்வதேச அரசியல் சூழல்கள் மற்றும் பொருளாதார மாற்றங்கள் ஒரு மிகப்பெரிய ஏமாற்றத்தையே தந்துள்ளன.

வரும் நாட்களில் அமெரிக்க மத்திய வங்கியின் அறிவிப்புகள் வெளியான பிறகுதான், தங்கத்தின் அடுத்தகட்ட நகர்வு தெளிவாகத் தெரியவரும்.

The post தங்கம் விலையில் அமெரிக்கா செய்த ‘சம்பவம்’! 3 மாதங்களில் இல்லாத உச்சம்! appeared first on Sathiyam TV.